Danyelo 11:24 - Baibo Busansulushi Bwa Libuku Ili

²⁴ Kuswawaawo ulaakulwana shishi shicite bubile buunji kashiliibite alimwi ulaakukonsha kucita shintu isho baishi nabi bamashali bakwe bakulukulu nshebatakwe kucitaawo. Lyalo ulaakubaanya buboni ubo mbweshi akasaale munkondo kubantu bakwe. Pesule ulaakupanga muyeeyo wakukonsha kulwana mandabala acite malinga, sombi cilaakucitikabo kwaciindi ciniini.

Danyelo 11:24 Marejeleo ya Msalaba

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Tushimpi 17:8

Makulo alasebensabo mbuli musamu wa coolwe kuwooyo waapa, kuli koonse nkweenga waya, ulaswitilila.

Tushimpi 19:6

Bantu baanji balisuni wooyo ubanyumfwila nkumbu, ncakwiila boonse balisuni wooyo ubapa shipo.

Tushimpi 23:7

ceebo ngumuntu uyo ubikabo maano kumweelo wa shakulya isho. Pakulya ulaamba ayi, “Kolyabo, konwabo,” sombi mumoyo kaacimitwe.

Esekelo 34:14

Ndaakusheembelela mumafulo mutaamu cakulisukama mutulundu, mushinyika alimwi amumafulo acite mweemfu a mucishi ca Isilaeli.

Esekelo 38:10

Mwaami Lesa Shinkusu shoonse waamba ayi, “Bushiku ubu ulaakuba amuyeeyo ubiibi.

Danyelo 11:23

Cipangano caakumana kupangwa anguwe, teshi akashomeke kucipangano ico. Lyalo ulaakuba ankusu shakulela kaacitebo bantu baniini.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Shakubelenga 13:20

Kuswawaawo mukabone na bulongo mbubotu akubona na cishi nca shisamu. Mutakalubiiko kuleta shisepo shimwi shimena mucishi ico pakuboola.” Ico cakalinga ciindi minyansa ndyeetalika kupya.

Mateyo 9:4

Sombi Jesu wakeshiba ncebakalinga kuyeeya, lyalo wakaamba ayi, “Mutooyeeyelanshi shintu shibiibi mumyoyo yanu?

Boomboloshi 9:4

Kuswawaawo bakamupa maali makumi osanwe a silifa kuswa kuŋanda yakalinga kulambililwaamo Baali Beliti. Maali ayo wakaapa bantu batanyumfwi, bataaku mbobabete, kwaamba ayi bamukonkele.