Danyelo 11:15 - Baibo Busansulushi Bwa Libuku Ili

¹⁵ Lyalo mwaami wa bene Silya ulaakuyaka citunta cakutantaawo pakulwana kushinguluka ndabala icite lilinga akwiikoma. Bashilumamba bene Ijipiti teshi bakatolelele kulwana. Bashilumamba beendaawo kucishiba kulwana pakati kabo balaakubula nkusu shakwiimikana.

Danyelo 11:15 Marejeleo ya Msalaba

Jelemiya 33:4

Ono pamaanda a muJelusalemu alimwi amaanda a bwaami a muJuda ayo akapwaikwa ayi bayake lubumbu lwakushinkila bene Babiloni abo bakapanga citunta cakutantaawo pakulwana, nebo neMwaami Lesa, Lesa wa bene Isilaeli ndaamba ayi,

Jelemiya 5:10

“Kamuya mumyuunda ya minyansa yabo mwiiteme, sombi muteemaniimo, sobwe. Muponsoole misampi ya njiyo ceebo bantu aba teshi bangu nebo neMwaami Lesa.

Jelemiya 52:4

Mpomunyaawo mumwaaka wasanu ayone wa bwaami bwakwe Sedekiya, pabushiku bwalikumi mumweenshi walikumi, Nebukadinesa mwaami wa bene Babiloni wakanyamuka abashilumamba bakwe kuya mukulwana abene Jelusalemu. Bakayaka misumba yabo pansengwe lya ndabala iyo akuyaka mukuti wakutantilaawo kushingulusha lubumbu lwa njiyo.

Jelemiya 6:6

Mwaami Lesa Shinkusu shoonse utokwaamba ayi, “Amuteme shisamu muyake cakutantaawo pakulwana ayi ndabala ya Jelusalemu twiishinguluke. Ndabala iyi ilyeelete kupekwa mulandu ceebo iliswitebo kulyatililana.

Esekelo 17:17

Falawo mwaami wa bene Ijipiti alikoto lyakwe lya bashilumamba liyumu teshi bakamucafweeko munkondo baakuyaka shakutantaawo pakulwana akukaba shilindi kwaamba ayi bacaye bantu baanji.

Esekelo 4:2

Wamanisha ubikeeko shisebensesha balwani pakushinguluka ndabala. Ukabe shilindi, uyakeko citunta cakutantaawo pakulwana, akuyaka misumba ya balwani alimwi akwiishingulusha minkulwa yakupwaishako lubumbu.

Danyelo 11:14

Kuswawaawo bantu baanji balaakwaashukila mwaami wa bene Ijipiti. Bene mishaanu Danyelo beshilunkutwe balaakwaashukila mwaami uyo mukucitika cancinencine kwa cili anga nciloto ico, sombi balaakukomwa.

Danyelo 11:6

Paakwiinda myaaka iinji, mwaami wa bene Ijipiti ulaakusuminishanya amwaami wa bene Silya ayi banoomucafwa munkondo. Mwaami wa bene Ijipiti ulaakweebesha mwanaakwe kumwaami wa bene Silya. Sombi kusuminishanya uko teshi kukayewo kulaale. Lyalo mwanakashi uyo, ibaye, mwanaakwe alimwi abasebenshi abo bakayaakwe, boonse balaakumana kucaikwa.

Danyelo 8:7

Ndakeebela mpongo iyo ndiyakalwana mbelele isankwa iyo. Mpongo iyo yakalinga kukalalite abuumbi cakwaamba ayi yakapunka mbelele iyo akutyoloola meeca a njiyo obilo. Kuswawaawo mbelele yakabula nkusu shakwiilwana. Mpongo iyo yakashindikila mbelele iyo panshi akwiilyatoola. Taaku wakalinga kukonsha kwiifuna kunkusu sha mpongo.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.