Boomboloshi 8:3 - Baibo Busansulushi Bwa Libuku Ili

³ Lesa wakaaba baami ba bene Midyani Olebu aSebu mumaansaanu. Ino nebo ndakacitanshi kwiinda ndimwe?” Ndibakanyumfwa boobo bakoomuna.

Boomboloshi 8:3 Marejeleo ya Msalaba

Kulumbaisha 115:1

Kuteshi ndiswe noBaami baLesa, ee, kuteshi ndiswe, sombi ndimwebo nweenka nomweelete kulemekwa, ceebo ca lusuno lwanu lutamaani akushomeka kwanu.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Tushimpi 15:1

Kukumbula kabotu kulabombya bukali, sombi kukumbula cakucenena kulabusonkomona.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Tushimpi 25:11

Liswi lyeelete paciindi ceelete lilibo anga cisepo ca golodi cabikwa mucintu ca silifa.

Tushimpi 25:15

Kwiinda mukubula ncimwa mweendeleshi ulakonsha kutekeneshekwa. Ncakwiila mulaka ubombu ulakonsha kumana mapensho ali woonse.

Joni 4:37

Kashimpi kakwaamba ayi, ‘Shikushanga ngumbi alakwe shikutebula ngumbi’, nkalushinisho.

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Bene Loma 12:6

Aboobo tulyeelete kusebensesha shipo shesu isho Lesa nshaapa muluse lwakwe. Na cipo cesu nkushimikila Maswi akwe Lesa, tulyeelete kucita boobo kweelana alushomo ndotucite.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

Boomboloshi 8:2

Alakwe wakabakumbula ayi, “Nebo ncendakonsha kucita taciindi ncemwakacita. Sa tamwishi kwaamba ayi mulimo uniini ngomwasebensa mwebo nobene Efuleemu uleendawo bulemu pawooyo wacita bamucipani cakwe Abiyesa boonse?

Boomboloshi 8:4

Kuswawaawo Gidyoni abantu bakwe bali 300 bakasubuka Mulonga wa Joodani. Nabi bakalinga kulemete, bakatolelela kuya butandaanya bene Midyani.