Boomboloshi 7:8 - Baibo Busansulushi Bwa Libuku Ili

⁸ Aboobo Gidyoni wakabaambila boonse abo ayi baboolelebo kundabala, sombi wakacaashabo bali 300 abo bakabwesa shakulya amapeenga shakashiya babyaabo. Misumba ya bene Midyani yakalinga munkunamo ya kalundu mucinyika.

Boomboloshi 7:8 Marejeleo ya Msalaba

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Bene Lefi 23:24

“Lwiita bene Isilaeli ayi pabushiku butaanshi mumweenshi wasanu ayobilo, balyeelete kookesha kumilimo yoonse akubungana ayi banambile na mapeenga alila.

Bene Lefi 25:9

Ono pabushiku bwalikumi mumweenshi wasanu ayobilo, bushiku bwakusalashikwa kuswa kushibiibi, mukatume muntu eshi akanooya cilisha lupeenga mucishi coonse.

Shakubelenga 10:9

Na mucishi mwesa nkondo, kwaamba ayi mulifuune kubalwani abo besa mukumulwana, mulyeelete kulisha cishibisho ca nkondo mumapeenga aya. Nebo neMwaami Lesa, Lesa wanu ndaakumucafwa alimwi akumupulusha kubalwani banu.

1 Bene Kolinto 15:52

muciindi ciniinibo ceelenebo akukapula kwa liinso pakulila lupeenga lwakweelaako. Ceebo lupeenga lulaakulila, bafu balaakubushikwa amibili itafwi, aswebo tulaakusandulwa.

Joshuwa 6:20

Mpomunyaawo bapailishi bakalisha mapeenga. Ono bantu ndibakaanyumfwabo, bakoolobesha cankusu, mpeeke lubumbu loonse lwakawa. Lyalo bashilumamba boonse bakaya benjila mundabala iyo akwiibwesa.

Joshuwa 6:4

Bapailishi bali bosanwe abobilo, balyeelete kuba kunembo lya Libokoshi lya Cipangano womwi awomwi kaacite lupeenga lwa lwiica lwa mbelele isankwa. Pabushiku bwasanu ashobilo, webo abashilumamba bako mukashinguluke ndabala inene iyi mankanda osanwe aobilo, bapailishi bakanoolisha mapeenga.

Boomboloshi 3:27

Ono ndyaakashika kucishi ca tulundu ca Efuleemu, wakalisha lupeenga kwiita bene Isilaeli ayi baye mukulwana. Lyalo wakabatanjilila kukunkuluka tulundu.

Boomboloshi 6:33

Mpeeke bene Midyani boonse abene Ameleki pantu pomwi abantu boonse bakwicwe bakabungana pomwi, basubuka Mulonga wa Joodani akuyaka misumba yabo muCinyika ca Jesiliilu,

Boomboloshi 7:7

Lyalo Mwaami Lesa wakaambila Gidyoni ayi, “Ndaakukufuna abantu bali 300 abo banwa maanshi mbuli kabwa alimwi ndaakwaaba bene Midyani mumaansaako. Ono aba bamwi baambile baboolelebo kundabala.”

Boomboloshi 7:9

Mashiku eenka ayo Mwaami Lesa wakaambila Gidyoni ayi, “Amubuke, mulwane abali mumisumba ilya ceebo ndabaaba kale mumaansaako.