Boomboloshi 6:6 - Baibo Busansulushi Bwa Libuku Ili

⁶ Ncakwiila bene Midyani bakapensha bene Isilaeli abuumbi. Aboobo bakalilila Mwaami Lesa ayi abacaafwe.

Boomboloshi 6:6 Marejeleo ya Msalaba

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 78:34

Ono kulilabo na wacaya bamwi, beenga bacalaawo bakalinga kusandukila kuli nguwe akumulambila.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Dutolonomi 28:43

“Baswamashi mbomwikalaabo balaakuba abulemu buunji kwiinda ndimwe, sombi mwebo mulaakunooya ciboolabo panshi.

Boomboloshi 10:10

Mpomunyaawo bene Isilaeli bakalilila Mwaami Lesa ayi, “Twamubishisha mukwiinga twakakaka mwebo nobaLesa besu akutalika kusebensela baBaali.”

Boomboloshi 3:15

Sombi bene Isilaeli ndibakalilila Mwaami Lesa, wakabapa muntu wakabafuna. Wakalinga kwiitwa ayi Eyudi mwanaakwe Gela wa mumukowa wakwe Benjameni uyo wakalinga kusebensesha cipiko. Bene Isilaeli bakapa Eyudi musonko ayi atolele mwaami Egiloni wa kuMoabu.

Boomboloshi 3:9

Lyalo bene Isilaeli ndibakalilila Mwaami Lesa, wakabapa muntu uyo wakabafuna. Wakalinga kwiitwa ayi Otiniyelo mwanaakwe Kenasi mukwabo Kalebu.

Boomboloshi 4:3

Mwaami Jabini uyo wakalinga kucite shikoci sha nshimbi shili 900 alimwi wakalinga kweendelesha bene Isilaeli calunkutwe kwamyaaka makumi obilo. Paceebo ceeci bene Isilaeli bakalilila Mwaami Lesa ayi abacaafwe.

Boomboloshi 6:7

Ono bene Isilaeli ndibakalilila Mwaami Lesa ayi abacaafwe ceebo ca bene Midyani,