Boomboloshi 6:3 - Baibo Busansulushi Bwa Libuku Ili

³ Ono bene Isilaeli na bashangabo shishango shabo, bene Midyani, bene Amaleki alimwi abantu bakwicwe bakalinga kwisa mukubalwana.

Boomboloshi 6:3 Marejeleo ya Msalaba

Matalikilo 25:6

Nakubi boobo kaacili muumi baana ba bamakaakwe bamwi wakabapa shipo. Lyalo wakabatuma kucishi ca kwicwe kwaamba ayi bashiye Isaki mwanaakwe eenka,

Matalikilo 29:1

Jakobo wakatolelela lweendo lwakwe akuya kucishi cakalinga kwicwe.

1 Baami 20:27

Bene Isilaeli abalo bakalibambila. Bakanyamuka kuya mukulindila bene Silya akuyaka misumba mumakoto obilo. Bene Isilaeli bakaboneka anga ntutanga tobilo twa mpongo kubene Silya abo bakalingabo poonse poonse mushinyika!

1 Baami 4:30

Solomoni wakalinga kucite busongo kwiinda basongo ba kwicwe nabi basongo bene Ijipiti.

1 Baami 5:10

Mpeeke Ilamu wakapa Solomoni shisamu shoonse sha sida alimwi asha paini isho shaakalinga kusuni.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Jobo 31:8

ngayi shakulya nshendakashanga ashikalikwe abantu bamwi nabi shishango shangu shoonse ashikanyonyoolwebo.

Kulonga 17:8

Kuswawaawo, bene Amaleki bakesa akutalika kulwana abene Isilaeli kuLefidimu.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Jelemiya 49:28

Pamukowa wakwe Keda ashipansha sha cishi cakalinga kweendeleshekwa aAsoli, isho Nebukadinesa mwaami wa bene Babiloni nshaakalwana, Mwaami Lesa utokwaamba ayi, “Amunyamuke, mulwane mukowa wakwe Keda akunyonyoola bantu bakwicwe.

Esekelo 25:3

Ubalwiite ayi nebo neMwaami Lesa ntokwaamba ayi, ‘Mwebo mwakasangalala kubona Ŋanda yangu ndiyakabishikwa, cishi ca Isilaeli ndicakanyonyoolwa alimwi abene Juda ndibakatolwa busha.

Esekelo 25:4

Paceebo ceeco ndaakumwaaba kubantu ba kwicwe ayi bamukoome. Balaakuyaka misumba yabo akwiimika matente abo pakati kanu. Balaakulya shisepo shanu alimwi akunwa mukupa wanu.

Bene Lefi 26:16

ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.

Mika 6:15

Mulaakushanga, sombi teshi mukatebule, mulaakutyana maolifi, sombi mafuta a ngawo teshi mukaasebenseshe nobeene. Mulaakutyana minyansa, sombi teshi mukanweewo waini wa njiyo.

Dutolonomi 28:51

Balaakulya baana ba shifubwa shanu, shishango sha mucishi canu kushikila mukanyonyooke. Taaku shakulya shili anga ngamaila nsheshi bakamushiile, waini, mafuta a olifi, boombe nabi bana ba mbelele, kushikila noonse mukaloobe.

Boomboloshi 10:12

bene Sidoni, bene Ameleki abene Maoni abo bakalinga kumupensha kalekale? Mwebo ndimwakandilila ayi mucaafwe, sa nshikwe kumucafwa?

Boomboloshi 3:13

Lyalo wakapaankana abene Amoli alimwi abene Ameleki akulwana bene Isilaeli. Bakakoma bene Isilaeli akubwesa Jeliko, ndabala yabo inene ya tupukupuku.

Boomboloshi 6:2

Bene Midyani bakalinga kucite nkusu kwiinda bene Isilaeli. Aboobo bene Isilaeli bakalinga kuyuba mushimfwengo, shilingo amisena imwi ishiteme mutulundu.

Boomboloshi 6:33

Mpeeke bene Midyani boonse abene Ameleki pantu pomwi abantu boonse bakwicwe bakabungana pomwi, basubuka Mulonga wa Joodani akuyaka misumba yabo muCinyika ca Jesiliilu,

Boomboloshi 6:4

Bakalinga kuyaka misumba yabo kuIsilaeli akunyonyoola shishango kuya mukushika kuGasa. Taaku cintu ciyoya ncebakashiila bene Isilaeli, nkokwaamba ayi mbelele, ŋombe nabi mbongolo shoonse bakatola.

Boomboloshi 7:12

Bene Midyani, bene Amaleki amishobo imwi yoonse yakwicwe bakalinga kubungene mucinyika kabali baanji anga ninsoshi. Bakalinga kucite ngamela shiinji mbuli museese wa muloombe lwa lweenge.

Boomboloshi 8:10

Muciindi ico Seba aSalimuna bakalinga kundabala ya Kaliko abashilumamba babo bali 15,000 abo bakacaalaawo. Bashilumamba babo bali 120,000 kabali bacaikwa kale.