Boomboloshi 6:21 - Baibo Busansulushi Bwa Libuku Ili

²¹ Mpomunyaawo munjelo wa Mwaami Lesa wakatondeka nkoli njaakalinga kucite mulyaansa lyakwe akwiishisha panyama acimaande. Mpeeke mulilo wakaswa mulibwe akutenta nyama iyo acimaande. Kuswawaawo munjelo wakashimingana.

Boomboloshi 6:21 Marejeleo ya Msalaba

1 Baami 18:38

Lyalo peenka apo Mwaami Lesa wakatuma mulilo panshi. Wakatenta mulambu, nkuni, mabwe abulongo akuyuminisha maanshi oonse akalinga mucilindi.

1 Makani 21:26

Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

2 Makani 7:1

Solomoni ndyaakamanabo kupaila, mulilo wakesa kuswa kwiculu akutenta milambu yoonse yakabengwa. Mpeeke bulemu bwa Mwaami Lesa bwakesula Ŋanda yakwe.

Isaya 38:7

Lyalo Isaya wakaamba ayi, “Mwaami Lesa utookupa citondesho kwaamba ayi ulaakucita kweelana akushomesha kwakwe.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Boomboloshi 13:19

Mpomunyaawo Manowa wakatola mwanaampongo pantu pomwi acipo ca fulaulo kuya mukubenga mulambu pamwaandami kuMwaami Lesa. Mwaami Lesa wakacita caankamiko, Manowa amukaakwe kabeebela.

Boomboloshi 13:20

Ono bwiishi ndibwakaya mwiculu kuswa pacipaililo, munjelo uyo wakaya kwiculu mubwiishi ubo. Ingayi Manowa amukaakwe babone boobo, bakafukama cakushisha shiwa panshi.

Boomboloshi 6:20

Lyalo munjelo wakwe Lesa wakamwaambila ayi, “Bwesa nyama acimaande ushibike palibwe ili akushitileela musushi.” Gidyoni wakacita ubo.