Boomboloshi 6:2 - Baibo Busansulushi Bwa Libuku Ili

² Bene Midyani bakalinga kucite nkusu kwiinda bene Isilaeli. Aboobo bene Isilaeli bakalinga kuyuba mushimfwengo, shilingo amisena imwi ishiteme mutulundu.

Boomboloshi 6:2 Marejeleo ya Msalaba

Jobo 30:6

Aboobo bakalinga kunookalabo mutulonga tuyuminite, amushimfwengo sha mabwe kutulundu.

Jelemiya 41:9

Mukalo uyo ngwaakawaalamo mituntu ya bantu abo boonse mbwaakacaya pantu pomwi aGedaliya, ngooyo mwaami Asa ngwaakakaba ndyaakalinga kulwanikwa kuli Baasha mwaami wa bene Isilaeli. Lakwe Ishimaeli wakoosusha bafu.

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Bene Ebulu 11:38

Cishi ca panshi tecakalinga kubeeleteewo! Bakalinga kusubyaangilabo mumayanga alimwi amutulundu akunookalabo mushimfweengo sha panshi alimwi amushilingo.

Ciyubululo 6:15

Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.

Boomboloshi 10:8

Bene Filisiti abene Amoni bakapensha akucobola bene Isilaeli bakalinga kwikala kwicwe lya Mulonga wa Joodani muGilyadi cishi ca bene Amoli. Bakabapensha kwamyaaka likumi amyaaka yosanwe alimwi ayotatwe.

Boomboloshi 10:9

Lyalo bene Amoni bakasubuka Joodani akuya mukulwana bamumukowa wakwe Juda, Benjameni awakwe Efuleemu. Ncakwiila bene Isilaeli bakapenga abuumbi.

Boomboloshi 6:3

Ono bene Isilaeli na bashangabo shishango shabo, bene Midyani, bene Amaleki alimwi abantu bakwicwe bakalinga kwisa mukubalwana.

1 Samwelo 13:6

Lyalo bene Isilaeli ndibakabona ayi bakalinga munkasaalo, bamwi bakalinga kuyuba mushimfwengo, mushilingo, pakati ka mabwe, mushilindi alimwi amumikalo.

1 Samwelo 14:11

Mpeeke bakalibonesha kashanga kubene Filisiti. Lyalo bene Filisiti bakaamba ayi, “Amubone! BaEbulu bamwi batooswa mushilindi mobalinga kuyubite!”