Boomboloshi 4:21 - Baibo Busansulushi Bwa Libuku Ili

²¹ Mpomunyaawo Sisela wakoona ceebo cakulema. Sombi Jaelo mukaakwe Eba wakabwesa mpoopo ya kutente ansando akuya kuli Sisela kaya bubendelela. Mpeeke wakamupopa mpoopo pakapobe kumutwi kushikila yapila panshi, lyalo wakafwa.

Boomboloshi 4:21 Marejeleo ya Msalaba

1 Bene Kolinto 1:27

Sombi Lesa wakasala shintu bantu nshebayeeya ayi nshabuluya kwaamba ayi shilenshe nsoni basongo alimwi akusala sheesho shiboneka ayi shililefukite kwaamba ayi shilenshe nsoni abo bacite nkusu.

Kulumbaisha 3:7

NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Boomboloshi 3:21

Mpomunyaawo Eyudi wakakusha mupeeni alyaansa lyakwe lyacipiko kuswa kulibelo lyakwe lyalulyo akuyasa mwaami mulifumo.

1 Bene Kolinto 1:19

Ceebo muMalembo Lesa ulaamba ayi, “Ndaakunyonyoola busongo bwa basongo alimwi ndaakulobya maano abantu bacenjete.”

1 Samwelo 17:43

Mpeeke wakaambila Defedi ayi, “Ono utoosa ankooli kuli ndime, sa utooyeeya ayi ndi kabwa?” Mpomunyaawo mwine Filisiti ulya wakashingana Defedi muliina lya balesa bakwe.

Boomboloshi 15:15

Lyalo wakabwesa mubanga wa mbongolo yakafwa coonoono akucaishako bantu bali 1,000.

Boomboloshi 3:31

Ono moomboloshi wakaboolaawo Eyudi ndyaakafwa wakalinga kwiitwa ayi Shamuga mwanaakwe Anati. Musankwa uyo wakacaya bene Filisiti bali 600 kucakuculumishishako ŋombe. Alakwe mbwaakafuna bene Isilaeli ubo.

Boomboloshi 4:9

Alakwe Debola wakakumbula ayi, “Ee tulaakuya soonse, sombi teshi kukalumbaishikwe ndiwe ayi wamukoma, ceebo Mwaami Lesa ulaakwaaba Sisela mumaansa a mwanakashi.” Mpomunyaawo Debola wakanyamuka akuya pantu pomwi aBalaki kuKedeshi.

Boomboloshi 4:20

Kuswawaawo Sisela wakamwaambila ayi, “Wiimikane pamwinjililo wa tente. Ono na kwise muntu weshi eepushe ayi, ‘Sa kwesawo muntu kuno?’ umukumbule ayi, ‘Tau.’ ”

Boomboloshi 4:22

Ono Balaki ndyaakesa, kwisa bukonkela Sisela, Jaelo wakamucinsha kunshila akumwaambila ayi, “Kwesa kuno, nkutondeshe muntu ngootooya bulangoola” Lyalo wakenjila akucana Sisela ulituntumene. Wakafwa ampoopo keepopetwe mumutwi.