Boomboloshi 4:19 - Baibo Busansulushi Bwa Libuku Ili

¹⁹ Mpeeke Sisela wakaambila mwanakashi uyo ayi, “Mpewo maanshi nwe, ndafwa nyotwa.” Mwanakashi uyo wakacalula nkomwe ya cipaya mwakalinga mukupa, akumupa ayi anwe. Lyalo wakamufwekelesha alimwi.

Boomboloshi 4:19 Marejeleo ya Msalaba

Joni 4:7

Mpomunyaawo kwakesa mwanakashi mwine Samaliya mukuteka maanshi. Mpeeke Jesu wakamwaambila ayi, “Mpewo maanshi akunwa.”

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

1 Baami 17:10

Aboobo Elija wakaya kuSalefati. Ndyaakashika pamwinjililo wa ndabala wakabona mukalubinje katepa nkuni. Wakamwaambila ayi, “Ntoosengako tumaanshi twakunwa.”

Matalikilo 24:43

Mbulya ndipamukalo pano. Na mwanakashi cikula bwangu aswe mukuteka maanshi ntoomusenga maanshi akunwa eshi anooli munongo yakwe.

Boomboloshi 4:18

Jaelo wakaswa akuya mukucingweeta Sisela akumwaambila ayi, “Amunjile nkambo, mutaloondi sobwe.” Aboobo wakenjila mutente alakwe Jaelo wakamufwekelesha.

Boomboloshi 4:20

Kuswawaawo Sisela wakamwaambila ayi, “Wiimikane pamwinjililo wa tente. Ono na kwise muntu weshi eepushe ayi, ‘Sa kwesawo muntu kuno?’ umukumbule ayi, ‘Tau.’ ”

Boomboloshi 5:24

“Jaelo mukaakwe Eba mwine Keni, abe acoolwe kwiinda banakashinyina boonse. Abe acoolwe kwiinda banakashinyina boonse bekala mumatente.