Boomboloshi 3:7 - Baibo Busansulushi Bwa Libuku Ili

⁷ Anu bene Isilaeli bakabisha pameenso a Mwaami Lesa, Lesa wabo. Bakamulubaako akutalika kulambila baBaali abaAshela.

Boomboloshi 3:7 Marejeleo ya Msalaba

1 Baami 16:33

Wakeemika cikoshanyo cakwe Ashela lesa mwanakashi. Wakacita ashimwi shiinji shakusonkomona bukali bwa Mwaami Lesa, Lesa wa bene Isilaeli, kwiinda bamaami boonse bene Isilaeli kuswa kumatalikilo a bwaami.

1 Baami 18:19

Ono amwiite bene Isilaeli boonse kwaamba ayi tukumane kuKalundu ka Kamelo. Mulete abalaluki bakwe Baali bali 450 alimwi abalaluki bali 400 bakwe Ashela lesa mwanakashi abo balya abaJesebelo bayoosha ba kubwalo.”

2 Baami 23:14

Mwaami Josiya wakapwaya macinko asalalite mutupanshapansha. Wakatimboola shikoshanyo shakwe Ashela lesa mwanakashi akufweka waawo mposhakalinga kwiimfwi ashifuwa sha bantu.

2 Baami 23:6

Mpeeke muŊanda yakwe Lesa wakakushaamo cikoshanyo cakwe Ashela lesa mwanakashi, wacikusha mundabala akucitola kuCinyika ca Kidiloni kuya mukucitenta uko. Lyalo wakacipelapela kushikila caba busu akusanseela busu ubo pashuumbwe sha bantubo.

2 Makani 15:16

Mwaami Asa wakakusha bankambiyakwe banakashi baMaaka pacuuna cabo kuŋanda ya kubwalo mukwiinga bakalinga bapanga cikoshanyo cilensha bunya cakwe lesa mwanakashi Ashela. Asa wakacitimbula akucitenta muCinyika ca Kidiloni.

2 Makani 24:18

Mpeeke bantu boonse bakacileka kulambila Mwaami Lesa, Lesa wa bamashali babo bakulukulu muŊanda yakwe Lesa akutalika kulambila shibumbwabumbwa ashikoshanyo shakwe Ashela lesa mwanakashi. Mulandu wa shibiibi isho wakasonkomona bukali bwa Mwaami Lesa kwisa pabene Juda abene Jelusalemu.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

2 Makani 33:3

Wakayakulula misena yakulambililaako ya patulundu iyo yakanyonyoola Esekiya ishi. Wakayaka ashipaililo shakulambililaawo Baali, kubumba cikoshanyo cakwe Ashela lesa mwanakashi alimwi akulambila nyenyeenshi.

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

2 Makani 34:7

Nkokwaamba ayi mubwaami bwakumatwa wakamwayulula shipaililo, shikoshanyo shakwe Ashela lesa mwanakashi, kupwayoola shibumbwabumbwa shimwi ayi shibe busu akupwayoola shipaililo sha tununkila kabotu. Lyalo wakaboolela kuJelusalemu.

Kulumbaisha 106:35

sombi bakatalika kunyumfwana ambabo alimwi akukonkela kwishibila kwabo kubiibi.

Kulumbaisha 106:36

Bakalinga kulambila shibumbwabumbwa shabo, uko kwakaba anga nkoose kuli mbabo.

Kulumbaisha 106:7

Bamashali besu bakulukulu ndibakalinga muIjipiti, tabakwe kubikaako maano kushaankamiko shakacita Lesa. Bakalubaako kufula kwa mankanda ngwaakabanyumfwila nkumbu. Bakamubukila kuLweenge Lusalala lulya.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Jelemiya 23:27

Balo balayeeya ayi maloto abo ngobalwiitana alaakulengesha bantu bangu kuluba liina lyangu bweenka bamashali babo bakulukulu mbobakandubaako ceebo cakulambila Baali.

Dutolonomi 16:21

“Ono mwaakuyaka cipaililo ca Mwaami Lesa, Lesa wanu, mutakabikiwo cikoshanyo cakwe Ashela lesa mwanakashi wakubesa.

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 8:11

“Amushinishe kwaamba ayi teshi mukalube Mwaami Lesa, Lesa wanu. Kutaalilwa kukonkela milawo amilasho yakwe iyo njeentoomupa sunu.

Dutolonomi 8:14

amushinishe kwaamba ayi teshi mukatalike kulisumpula akuluba Mwaami Lesa, Lesa wanu, wakamufuna kuswa muIjipiti umo momwakalinga basha.

Dutolonomi 8:18

Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.

Boomboloshi 3:12

Ono bene Isilaeli bakabisha pameenso a Mwaami Lesa alimwi. Aboobo Mwaami Lesa wakalengesha Egiloni mwaami wa kuMoabu ayi eendeewo nkusu pali mbabo.

Boomboloshi 3:8

Aboobo Mwaami Lesa wakakalalila bene Isilaeli akubaaba mumaansa a mwaami Kushani Lishataimu wa kuMesopotamya, uyo bene Isilaeli ngobakasebensela myaaka yosanwe ayotatwe.

Boomboloshi 6:25

Mpeeke mashiku eenka ayo Mwaami Lesa wakaambila Gidyoni ayi, “Tola mucende wa baiso ucite myaaka yosanwe ayobilo. Umwaye cipaililo ca baiso ncebapaililawo Baali. Utimboole cikoshanyo cakwe Ashela, lesa mwanakashi cili kulubasu lwa ncico.

Boomboloshi 8:33

Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.

Boomboloshi 8:34

Ncakwiila bakacileka kusebensela Mwaami Lesa wabo uyo wakabafuna kubalwani babo boonse abo bakalinga kubashingulukite.

1 Samwelo 12:10

Lyalo bakalilila Mwaami Lesa ayi abacaafwe akwaamba ayi, ‘Twakabisha mukwiinga twakafutatila ndimwe noBaami baLesa, akulambila shibumbwabumbwa shakwe Baali ashikoshanyo shakwe Ashitaloti. Amutufuune ono kubalwani besu. Lyalo tulaakunoolambilabo ndimwe!’

1 Samwelo 12:9

Sombi bantu bakaluba Mwaami Lesa wabo. Mpeeke wakasuminisha Sisela uyo wakalinga mutanjilili wa bashilumamba ba ndabala inene ya Asoli, bene Filisiti alimwi amwaami wa cishi ca Moabu kulwana bamashali banu bakulukulu akubakoma.