Boomboloshi 3:3 - Baibo Busansulushi Bwa Libuku Ili

³ Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.

Boomboloshi 3:3 Marejeleo ya Msalaba

Matalikilo 49:13

“Sebuluni ulaakwikala kufwaafwi alweenge, cito cakwe cilaakuba cito kwakushisila maato. Cishi cakwe cilaakushika akuSidoni.

2 Samwelo 24:7

Mpeeke bakaya kulubasu lwa kumalenge kundabala ya Taya yakalinga mulilinga. Lyalo bakeenda amumandabala oonse abene Ifi alimwi abene Kenani. Mukumanisha bakaya mukweela kuBiyasheba kulubasu lwa kumalenge a cishi ca Juda.

1 Baami 8:65

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

1 Baami 9:20

Bantu Solomoni mbwaakasebensesha kucibalu mbene Kenani abo bene Isilaeli mbobatakwe kucaya paciindi ndibakabwesa cishi cabo. Aba bakalinga bene Amoli, bene Iti, bene Pelisi, bene Ifi alimwi abene Jebusi. Bamulunyungu lwa bantu aba bacili basha abobulya.

Esekelo 47:20

“Nyinsa yakumbo ilaakuba Lweenge lwa Mediteleniyani kuya kumatwa tibili akumusena uli kumbo lya mwinjililo wa kuAmati.

Shakubelenga 13:29

Bene Amaleki balekala kulubasu lwa kumalenge lya cishi, bene Iti, bene Jebusi alimwi abene Amoli balekalila kulubasu lwa tulundu. Balo bene Kenani balekala mweela Lweenge lwa Mediteleniyani alimwi amweela Mulonga wa Joodani.”

Shakubelenga 34:8

tibili akunshila iinda kumwinjililo wa kuAmati. Kuswa kooko, ilaakwiinda kuSedadi,

Dutolonomi 1:7

Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 3:9

Kalundu ka Emoni kaleetwa ayi Silioni kubene Sidoni alimwi ayi Seneya kubene Amoli.

Joshuwa 11:19

Taaku ndabala inene nabi yomwi iyo yakapanga cipangano ca luumuno abene Isilaeli, sombibo ya Gibyoni umo mwakalinga kwikala bene Ifi. Mandabala anene oonse bakaalwana akwaabwesa.

Joshuwa 11:3

Wakatumya mulomo akubene Kenani kulubasu lwakumbo akwicwe lya Mulonga wa Joodani, kubene Amoli, bene Iti, bene Pelisi abene Jebusi mucishi ca tulundu pantu pomwi abene Ifi munshaaKalundu ka Elimoni mucishi ca Misipa.

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Joshuwa 13:5

alimwi acishi ca bene Gibali. Cishi coonse ca Lebanoni kulubasu lwakwicwe, kuswa kuBaali Gadi munshaaKalundu ka Elimoni, kuya mukushika akumwinjililo wa Amati.

Joshuwa 19:28

Ebiloni, Lewobu, Aamoni alimwi aKana, kuya mukushikabo akuSidoni.

Joshuwa 9:7

Sombi basankwa bene Isilaeli bakaamba ayi, “Nciinshi ncemusunini kwaamba ayi tupange cipangano amwebo? Mpashi mwebo mulekalabo pafwaafwi.”

Boomboloshi 10:12

bene Sidoni, bene Ameleki abene Maoni abo bakalinga kumupensha kalekale? Mwebo ndimwakandilila ayi mucaafwe, sa nshikwe kumucafwa?

Boomboloshi 10:7

Paceebo ceeci Mwaami Lesa wakakalalila bene Isilaeli akubaaba mumaansa abene Filisiti aa bene Amoni.

Boomboloshi 14:4

Bashali bakwe tabakwe kwishiba ayi makani ayo aswa kuMwaami Lesa mukwiinga wakalinga kuyandoola pakubacanina mulandu bene Filisiti. Paciindi ico bene Filisiti mbobakalinga kulela bene Isilaeli.

Boomboloshi 18:7

Basankwa bosanwe abo bakatolelela lweendo lwabo akuya mukushika kuLaishi. Bakacana kwaamba ayi bantu bakokulya bakalinga kwikala muluumuno alimwi kabaliibite bweenka mbuli bakuSidoni. Taaku ncebakalinga kulila, bakalinga babile. Bakalinga kwikala palaamfu abene Sidoni alimwi tebakalinga kunyumfwana abantu bamwi.

Boomboloshi 3:2

Mwaami Lesa wakalinga kusuni kwiisha bamulunyungu lwa bene Isilaeli boonse kulwana nkondo, bunene bunene abo batana kulwanawo kale.

Boomboloshi 4:2

Aboobo Mwaami Lesa wakabaaba mumaansa akwe Jabini mwaami wa bene Kenani wakalinga kulela muAsoli. Mutanjilili wa bashilumamba bakwe wakalinga kwiitwa ayi Sisela. Sisela wakalinga kwikala mundabala ya Alosheti Agoyimu.

1 Samwelo 13:5

Bene Filisiti bakalibungabunga ayi balwane bene Isilaeli. Bakalinga kucite shikoci sha nkondo shili shuulu makumi otatwe, beshikulwanina pamaaki bali shuulu shosanwe acomwi alimwi abashilumamba bamwi baanji anga ngumuseese wa muloombe lwa lweenge. Bakaya kuMikimashi kwicwe lya Beti Afeni akuyaka misumba yabo uko.

1 Samwelo 29:2

Mpeeke baami ba bene Filisiti ndibakalinga kuya bweenda mumakoto abantu myaanda, abamwi shuulu, Defedi abashilumamba bakwe bakalinga kwisa mwisule pantu pomwi aAkishi.

1 Samwelo 6:16

Bamaami bene Filisiti bakalinga kweebela ishi ndishakalinga kucitika, mpeeke bakaboolela kuEkiloni bushiku bweenka ubo.

1 Samwelo 6:18

Bakatumya abakoswe ba golodi womwi awomwi keemikanina ndabala inene yomwi iyo yakalinga kutanjililwa amwaami womwi awomwi wa bene Filisiti. Nkokwaamba ayi ndabala ili mulilinga amishibo itabeteemo. Mwaandami apo bantu mpobakabika Libokoshi lya Cipangano mumuunda wakwe Joshuwa wa kuBeti Shemeshi uleebalusha bantu shakacitika kushikila asunu.

1 Samwelo 6:4

Mpomunyaawo bantu bakeepusha ayi, “Ino nciponshi ceshi tutumishe kuli nguwe?” Mpeeke bakakumbula ayi, “Mutumye shintu shili anga nshuute sha golodi shili shosanwe alimwi ashili anga mbakoswe shili shosanwe kweelana amweelo wa bamaami ba bene Filisiti. Mukwiinga mwaalu wa mushobo womwi ngowakacitikila ndimwe noonse pantu pomwi abamaami banu.