Boomboloshi 21:1 - Baibo Busansulushi Bwa Libuku Ili

¹ Bene Isilaeli ndibakabungana kuMisipa bakashomesha cakulumbila kuMwaami Lesa ayi, “Taaku nabi womwi pakati kesu uyo weshi akeebeshe mwanaakwe kumwine Benjameni.”

Boomboloshi 21:1 Marejeleo ya Msalaba

Shikushimikila 5:2

Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 40:6

Aboobo nebo neJelemiya ndakaya kuli Gedaliya kuMisipa akwikalaakwe pantu pomwi abantu abo bakacaala mucishi.

Maako 6:23

Wakamwaambila lyabili akuyumya maswi akwe ayi, “Ndalumbila, ntookupa coonse nceshi unseenge, nabi kukutimbwitako musa wa cishi cangu.”

Milimo ya Batumwi 23:12

Ndibwakaca, baJuda bamwi bakabungana pantu pomwi akupangana bwakucita Paulo. Bakalumbila pameenso akwe Lesa ayi teshi bakalye nabi kunwa cintu naciceyi kushikila bakamucaaye.

Bene Loma 10:2

Nebo inga ndaba kamboni pacikani cakwaamba ayi balisuni abuumbi kusebensela Lesa, sombi kusebensa kwabo takuswi mulushibo lwancinencine.

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

Boomboloshi 20:10

Kumikowa yoonse ya bene Isilaeli tunanoobwesa walikumi kwaamba ayi banoopa bashilumamba shakulya. Lyalo likoto lya bashilumamba lyaakushika kuGibiya mucishi ca bene Benjameni, balaakuboosha cishole ceebo cakucita cintu cilensha nsoni mucishi ca Isilaeli.”

Boomboloshi 20:48

Kuswawaawo bene Isilaeli bakaboolela kuya mukulwana abene Benjameni bamwi bakacaala mucishi cabo. Bakabacaya boonse, pantu pomwi ashifubwa shabo akunyonyoola shintu shoonse nshebakalinga kucana. Mandabala oonse mucishi ico bakaatenta.

Boomboloshi 20:8

Mpomunyaawo bantu boonse bakanyamukila pomwi akwaamba ayi, “Taaku nabi womwi pakati kesu weshi aboolele kumishaabo.

Boomboloshi 21:18

Tatukoonshi kweebesha bana besu kuli mbabo ceebo twakashomesha cakulumbila ayi, ‘Aakashinganwe uyo woonse weshi akeebeshe mwanaakwe kumwine Benjameni.’ ”

Boomboloshi 21:22

Ono na bamaishiwabo nabi bamanandumishabo baakwisa mukututongookila, tulaakubakumbula ayi, ‘Amutunyumfwile nkumbu kwiinda mukutusuminisha kubatola ceebo tatukwe kubacanina banakashi ciindi ca nkondo ya kuJabeshi Gilyadi. Mwebo tamucite mulandu tau, ceebo teshi ndimwe mwakeebesha bana banu kubene Benjameni.’ ”

Boomboloshi 21:5

Kuswawaawo bene Isilaeli bakeepushanya ayi, “Sa kuli likoto pakati ka mikowa ya bene Isilaeli litakwe kubungana kunembo lya Mwaami Lesa kuMisipa?” KuMisipa uko bakashomesha cakulumbila ayi muntu uli woonse utakwe kwisa kulibungano ilyo, ulyeelete kucaikwa.

Boomboloshi 21:7

Ino tutoocita buyani kwaamba ayi tubacanine banakashi bakweeba basankwa abo bacaala? Twakashomesha cakulumbila kuMwaami Lesa kwaamba ayi teshi tukeebesheko bana besu.”

1 Samwelo 14:24

Ono bushiku ubo bene Isilaeli bakalinga balefuka kunsala mukwiinga Saulo, kwiinda mukushomesha cakulumbila kuli Lesa, wakalinga waambilisha ayi, “Lishingo libe pamuntu uli woonse eshi alye cakulya bushiku bwasunu kaantana kuboosha cishole pabalwani bangu.” Aboobo taaku shilumamba nabi womwi wakalya bushiku ubo.