Boomboloshi 20:6 - Baibo Busansulushi Bwa Libuku Ili

⁶ Mpeeke ndakabwesa mubili wakwe akuutimboola mushipanshapansha isho nshendakatumina mikowa ili likumi ayobilo ya bene Isilaeli. Ndakacita boobo mukwiinga bantu aba bakacita cintu cibiibi, cilensha nsoni mucishi cino ca Isilaeli.

Boomboloshi 20:6 Marejeleo ya Msalaba

Matalikilo 34:7

Lyalo bakapolenshanyabo abana bakwe Jakobo basankwa kabaswa mumyuunda. Ndibakacinyumfwa cikani ico, bakakankamana akukalala abuumbi pacintu cakacita Shekemu, ico cilensha nsoni kubene Isilaeli, ndyaakacata mwanaakwe Jakobo akukumanaakwe.

Bene Lefi 18:24

“Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo.

Bene Lefi 18:30

“Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”

Joshuwa 7:15

Lakwe uyo weshi akacatilwe shintu sheelete kunyonyoolwa, ulaakutentwa pantu pomwi abamuŋanda yakwe alimwi ashintu shakwe shoonse. Muntu uyo wakapwaya cipangano cangu neMwaami Lesa akucita cintu cilensha nsoni pakati ka bene Isilaeli.’ ”

Boomboloshi 19:22

Ono kabacilya akulisangalasha, bakabonabo bantu babiibi bamundabala iyo, bashinguluka ŋanda bakonkoonsha kucisasa akwaambila mucembele mwine ŋanda ayi, “Kusha mweensu wako pansengwe tucitaakwe nkwela.”

Boomboloshi 19:23

Mpeeke mwine ŋanda wakaswita pansengwe akubaambila ayi, “Tau, nobamakwesu, mutaciti cintu cilensha nsoni ca mushobo uyo. Muntu uyo ngumweensu wangu.

Boomboloshi 19:29

Ono ndyaakashika kumishaabo, wakenjila muŋanda akukusha cibeshi. Lyalo wakatimboola mubili wa kasuwa wakwe uyo mushipansha shili likumi ashobilo, akutuma cipansha comwi acomwi kumukowa womwi awomwi wa bene Isilaeli.

Boomboloshi 20:10

Kumikowa yoonse ya bene Isilaeli tunanoobwesa walikumi kwaamba ayi banoopa bashilumamba shakulya. Lyalo likoto lya bashilumamba lyaakushika kuGibiya mucishi ca bene Benjameni, balaakuboosha cishole ceebo cakucita cintu cilensha nsoni mucishi ca Isilaeli.”