Boomboloshi 20:1 - Baibo Busansulushi Bwa Libuku Ili

¹ Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

Boomboloshi 20:1 Marejeleo ya Msalaba

2 Samwelo 19:14

Maswi akwe Defedi akakonda basankwa boonse bene Juda. Mpeeke abalo bakamutumina maswi akwaamba ayi, “Amuboole abashilumamba banu boonse.”

2 Samwelo 2:9

Mpeeke wakamubika pabwaami bwa cishi ca Gilyadi, Asheli, Jesiliilu, Efuleemu alimwi acakwe Benjameni, nkokwaamba ayi cishi ca Isilaeli coonse.

2 Samwelo 24:2

Mpomunyaawo Defedi wakaambila Joabu abamatanjilili ba bashilumamba bamwi abo mbwaakalingaabo ayi, “Kamuya mumishobo yoonse ya bene Isilaeli, nkokwaamba ayi kuswa kuDani kushikila akuBiyasheba, mukabelenge basankwa bakonsha kuya kunkondo kwaamba ayi nshibe mweelo mbobabete.”

2 Samwelo 3:10

Ntoolonsha bwaami kuswa kulubasu lwakwe Saulo akubupa Defedi. Cishi coonse ca Isilaeli aJuda ulaakuceendelesha kuswa kuDani tibili akuBiyasheba.”

1 Baami 5:5

Mwaami Lesa wakashomesha bata baDefedi ayi, ‘Mwanaako ngweshi akapyane bwaami bwako, ulaakunjakila ŋanda.’ Ono bulya ndayeeya kwiiyaka kwaamba ayi anoolambililwaamo Mwaami Lesa, Lesa wangu.

2 Baami 25:23

Ono bamatanjilili ba bashilumamba bene Juda pantu pomwi abashilumamba boonse ndibakanyumfwa ayi mwaami wa bene Babiloni wakasala Gedaliya kuba mweendeleshi wa bene Juda, bakaya kuli Gedaliya muMisipa. Meena a bamatanjilili ba bashilumamba ngaaya, Ishimaeli mwanaakwe Netaniya, Jowanani mwanaakwe Kaleya, Selaya mwanaakwe Tanuumeti uyo wakalinga kuswa kundabala ya Netofa alimwi aJesaniya wa kundabala ya Maaka.

1 Makani 21:2

Mpeeke Defedi wakaambila Joabu abamatanjilili ba bashilumamba bamwi ayi, “Kamuya mubelenge bantu mucishi ca Isilaeli kuswa kuBiyasheba kushikila akuDani. Lyalo mukese mukaluule kwaamba ayi nkeshibe mbobabete kufula.”

2 Makani 30:5

Aboobo bakeeta bene Isilaeli boonse kuswa kuDani tibili akuBiyasheba ayi babungane muJelusalemu mukusekelela bushiku bwa Pasika bwakwiibaluka kusotokela. Kwakaba bantu baanji baanji kukusekelela uko kwiinda bakasekelelawo kale kataanshi kweelana amyeelo yakalembwa.

Esila 3:1

Mweenshi wasanu ayobilo ndiwakashika, bene Isilaeli kabali mumandabala abo, bantu boonsebo bakabungana kuJelusalemu.

Neyemiya 11:27

Asa Shuwalu, Biyasheba amishi yakalinga kwaashingulukite.

Neyemiya 8:1

Ono mumweenshi wasanu ayobilo bene Isilaeli boonse bakakalikana mumandabalaabo. Bantu boonse bakabungana pabushiku butaanshi bwa mweenshi uyo mulubansa luli pafwaafwi aMwinjililo wa Maanshi. Bakaambila Esila mufundishi wa Milawo ayi alete libuku mulembetwe Milawo yakwe Mose iyo Mwaami Lesa njaakapa bene Isilaeli.

Jelemiya 40:6

Aboobo nebo neJelemiya ndakaya kuli Gedaliya kuMisipa akwikalaakwe pantu pomwi abantu abo bakacaala mucishi.

Shakubelenga 32:1

Ono mukowa wakwe Lubeni awakwe Gadi yakalinga kucite shifubwa shiinji abuumbi. Ono ndibakabona cishi ca Jasa aca Gilyadi ncibotu kushifubwa,

Shakubelenga 32:40

Aboobo Mose wakapa cipani cakwe Makiya cishi ca Gilyadi, abalo bakekala momunya umo.

Joshuwa 15:38

Dilini, Misipa, Jokiteli,

Joshuwa 17:1

Ono cipansha comwi ca cishi cakalinga kumbo lya Mulonga wa Joodani cakapekwa kubamwi bamulunyungu lwakwe Manase mwaana musankwa wakwiiya wakwe Josefu. Makiya, uyo wakalinga mushali mukulukulu wa bene Gilyadi, wakalinga mwaana wakwiiya wakwe Manase. Wakapekwa Gilyadi alimwi aBashani kwicwe lya Mulonga wa Joodani ceebo wakalinga kucishi bumbi nkondo.

Joshuwa 18:26

Misipa, Kefila, Mosa,

Joshuwa 22:12

Mpeeke bene Isilaeli bamwi boonse bakabungana kuShilo ayi bakaye bakabalwaane.

Joshuwa 22:9

Mpeeke bamumukowa wakwe Lubeni, Gadi alimwi amusa wa mukowa wakwe Manase bakaboolela kumishaabo. Bakashiya bene Isilaeli bamwi boonse kuShilo mucishi ca Kenani akuboolela kuGilyadi cishi cabo beene ico cakabapa Mwaami Lesa kwiinda muli Mose.

Joshuwa 4:13

Bantu bali mpashi 40,000 bakasubuka mulonga pameenso a Mwaami Lesa kabalibambite kulwana akuya kushinyika sha ndabala ya Jeliko.

Boomboloshi 10:17

Mpeeke bashilumamba ba bene Amoni bakalibambila kulwana akuyaka misumba kuGilyadi. Bene Isilaeli abalo bakabungana akuyaka misumba yabo kuMisipa.

Boomboloshi 11:11

Aboobo Jefuta wakaya abamaloba abo ba kuGilyadi, mpeeke bantu bakamupa butanjilili bwa bashilumamba abuleli. Lyalo Jefuta wakabooshaawo maswi ngaakaambila bamaloba kuMisipa kunembo lya Mwaami Lesa.

Boomboloshi 11:34

Jefuta ndyaakaboolela kumishaabo kuMisipa, mwanaakwe mwanakashi wakaswa muŋanda akumucinsha kunshila keesa bushana akulisha musebe. Uyo wakalinga ngomwaana eenka ngobakalinga kucitebo.

Boomboloshi 18:29

Ndabala iyo bakeetumba ayi Dani, liina lya mushali wabo mukulukulu uyo wakalinga mwanaakwe Jakobo. Kale kale yakalinga kwiitwa ayi Laishi.

Boomboloshi 20:11

Aboobo bashilumamba boonse bakabungana pantu pomwi kwaamba ayi balwane ndabala inene iyo.

Boomboloshi 20:18

Mpomunyaawo bene Isilaeli bakanyamuka baya kuBetelo mukwiipusha Lesa ayi, “Ino mbaani pakati kesu beshi bataanguneko kulwana bene Benjameni?” Ono Mwaami Lesa wakabakumbula ayi, “Bene Juda mbweshi bataangune kuya.”

Boomboloshi 20:2

Bamatanjilili ba mikowa yoonse ya bene Isilaeli bakesa mukubungana pantu pomwi abantu bakwe Lesa bamwi. Kwakalinga bashilumamba bali 400,000 ba panshi balwanisha mipeeni.

Boomboloshi 20:26

Mpomunyaawo bene Isilaeli boonse, nkokwaamba ayi bashilumamba boonse bakaboolela kuBetelo alimwi kuya mukulilila Mwaami Lesa. Bushiku ubo bakalikasha kulya kushikila macolesha. Bakabenga milambu yakutenta aya bwanabwankashi.

Boomboloshi 20:8

Mpomunyaawo bantu boonse bakanyamukila pomwi akwaamba ayi, “Taaku nabi womwi pakati kesu weshi aboolele kumishaabo.

Boomboloshi 21:5

Kuswawaawo bene Isilaeli bakeepushanya ayi, “Sa kuli likoto pakati ka mikowa ya bene Isilaeli litakwe kubungana kunembo lya Mwaami Lesa kuMisipa?” KuMisipa uko bakashomesha cakulumbila ayi muntu uli woonse utakwe kwisa kulibungano ilyo, ulyeelete kucaikwa.

1 Samwelo 10:17

Mpomunyaawo Samwelo wakeeta bantu boonse ayi babungane mukulemeka Lesa kuMisipa.

1 Samwelo 3:20

Mpeeke bantu boonse mucishi ca Isilaeli, kuswa kuDani tibili akuBiyasheba bakeshiba ayi Samwelo ncakwiila ngumulaluki wa Mwaami Lesa.