Boomboloshi 2:21 - Baibo Busansulushi Bwa Libuku Ili

²¹ Aboobo teshi nkabatandilemo mushobo uli woonse wakashiya Joshuwa ndyaakafwa.

Boomboloshi 2:21 Marejeleo ya Msalaba

Esekelo 20:24

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu akubika maano kushibumbwabumbwa isho bamashali babo bakulukulu nshebakalinga kulambila.

Joshuwa 23:13

amukeshibe ayi Mwaami Lesa, Lesa wanu teshi akatandeewo mishobo iyo kunembo lyanu. Sombi balaakuba anga ntoose alimwi balaakunoocisa bweenka bucisa ciswepu mumusana nabi myuumfwa mumeenso, kushikila noonse mukaloobe mucishi cibotu cino cakamupa Mwaami Lesa, Lesa wanu.

Joshuwa 23:4

Amwiibaluke ayi cishi ca mishobo imwi yoonse icaalite, ndakacipa mikowa ya mulikoto lyanu ayi ncinebo pantu pomwi aca mishobo iyo njendakakoma kale ico cili pakati ka Mulonga wa Joodani kwicwe aLweenge lwa Mediteleniyani kumbo.

Joshuwa 23:5

Mwaami Lesa, Lesa wanu ulaakubalengesha kuya ciboola pesule kuboowa alimwi ulaakubatanda kuswa kunembo lyanu. Cishi cabo cilaakuba caanu kweelana ambwaakashomesha Mwaami Lesa, Lesa wanu.

Boomboloshi 1:1

Ono Joshuwa ndyaakafwa, bene Isilaeli bakeepusha Mwaami Lesa ayi, “Ino mbaani pakati kesu beshi bataangune kuya mukulwana abene Kenani?”

Boomboloshi 2:3

Ono ntoomulwiita ayi bantu aba teshi mbataandeemo, sobwe. Balaakuba balwani banu alimwi balesa babo balaakuba anga ntoose kuli ndimwe.”

Boomboloshi 3:1

Ncakwiila Mwaami Lesa wakashiyamo mishobo imwi mukwaamba ayi eeleshe bene Isilaeli abo batakwe kulwanawo nkondo kuKenani.

Boomboloshi 3:3

Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.