Boomboloshi 2:12 - Baibo Busansulushi Bwa Libuku Ili

¹² Bakasuula Mwaami Lesa, Lesa wa bamashali babo bakulukulu uyo wakabakusha mucishi ca Ijipiti. Bakatalika kulambila balesa ba mishobo iyo yakalinga kubashingulukite. Aboobo bakakalasha Mwaami Lesa.

Boomboloshi 2:12 Marejeleo ya Msalaba

Kulumbaisha 106:36

Bakalinga kulambila shibumbwabumbwa shabo, uko kwakaba anga nkoose kuli mbabo.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulonga 13:16

Ici cilaakuba ciibalusho, bweenka mbuli cimwi cintu caangitwe kumaansa esu alimwi apankumo. Cinanootwiibalusha ayi Mwaami Lesa wakatukusha muIjipiti kwiinda munkusu shakwe shiteelekwa.’ ”

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 13:9

Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Dutolonomi 13:5

Sombi mukacaye shikusansulula shiloto amulaluki uli woonse weenga wamulwiita ayi mwaashukile Mwaami Lesa, Lesa wanu uyo wakamukusha mucishi ca Ijipiti umo momwakalinga basha. Munshila iyo walinga kusuni kumukusha kubuumi ubo bwakamulwiita Mwaami Lesa ayi mwikale. Ncakwiila ulyeelete kucaikwa kwaamba ayi mukushe bubi ubu pakati kanu.

Dutolonomi 29:18

Ono mucenjele ayi patakabi musankwa, mwanakashi, cipani nabi mukowa uli waano sunu weshi ukafutatile Mwaami Lesa, Lesa wesu akutalika kulambila balesa ba mishobo imwi. Ceebo ici inga caba anga ngumuyanda wasonsa akuba cisamu ca musuku mubi.

Dutolonomi 29:25

Ono kukumbula kulaakuba kwakwaamba ayi, ‘Ceebo bantu aba bakapwaya cipangano ico Mwaami Lesa, Lesa wa bamashali babo bakulukulu ncaakapanga ambabo paciindi ndyaakalinga kubakusha mucishi ca Ijipiti.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”

Dutolonomi 4:25

“Na mukekaale ciindi cilaamfu mucishi cilya, mwaakuba abaana alimwi abashikulu, mutakabishi kwiinda mukulipangila cibumbwabumbwa mumushobo uli woonse. Ici mbubi pameenso aMwaami Lesa alimwi cilaakumukalasha.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 6:12

mukacenjele kwaamba ayi mutakalubi Mwaami Lesa uyo wakamufuna mucishi ca Ijipiti, umo mumwakalinga basha.

Boomboloshi 10:11

Alakwe Mwaami Lesa wakabakumbula ayi, “Sa nshikwe kumufuna kubene Ijipiti, bene Amoli, bene Amoni, bene Filisiti,

Boomboloshi 5:8

Ciindi bantu ndibakasala balesa beensu, ayalo nkondo yakabashikila. Tekwakalinga kuboneka lisumo nabi buta pakati ka bantu bali 40,000 ba kuIsilaeli.

Boomboloshi 8:33

Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.