Boomboloshi 2:11 - Baibo Busansulushi Bwa Libuku Ili

¹¹ Mpeeke bene Isilaeli bakabisha pameenso a Mwaami Lesa ceebo bakatalika kusebensela baBaali.

Boomboloshi 2:11 Marejeleo ya Msalaba

Matalikilo 13:13

umo mwakalinga bantu beshikubisha alimwi bakalinga kubisha abuumbi pameenso aMwaami Lesa.

Matalikilo 38:7

Buumi bwakwe Ele bwakalinga bubiibi, cakwaamba ayi Mwaami Lesa wakacimwa mpeeke wamucaya.

1 Baami 11:5

Wakalinga kulambila Ashitaloti lesa mwanakashi wa bene Sidoni alimwi aMoleki lesa wa bene Amoni ulensha bunya.

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

1 Baami 22:53

Wakalinga kulambila akusebensela Baali alimwi bweenka bwakacita baishi, alakwe wakasonkomona bukali bwa Mwaami Lesa, Lesa wa bene Isilaeli.

2 Makani 28:2

Wakakonkela bwakacita bamaami bene Isilaeli. Wakapangisha shibumbwabumbwa sha sheela shakwe Baali.

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Esila 8:12

mucipani cakwe Asigadi, nguJowanani mwanaakwe Akatani uyo wakalinga abasankwa bali 110.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Kulumbaisha 78:56

Sombi bantu bakasunka Lesa, bakaashukila Lesa wa kwiculu Wiindaawo, ncakwiila bakakaka kukonkela milawo yakwe.

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Jelemiya 2:23

Ino inga waamba buyani ayi, ‘Nshisalalite, nshina kukonkelaawo ba Bali.’ Bona mbuli mbowakacita kooli mucinyika, yeeya nshewakacita. Ulibo anga ningamela yanakashi iya bucicabo uku akooku.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Jelemiya 9:14

Sombi balo bakakonkela myoyo yabo iyumu mukulambila Baali kweelana abwakabeeisha bamashali babo bakulukulu.

Shakubelenga 25:3

Munshila iyi bakatalika kulambila lesa wa kuPeyo wiitwa ayi Baali. Paceebo ceeci Mwaami Lesa wakabakalalila

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Dutolonomi 4:25

“Na mukekaale ciindi cilaamfu mucishi cilya, mwaakuba abaana alimwi abashikulu, mutakabishi kwiinda mukulipangila cibumbwabumbwa mumushobo uli woonse. Ici mbubi pameenso aMwaami Lesa alimwi cilaakumukalasha.

Boomboloshi 10:10

Mpomunyaawo bene Isilaeli bakalilila Mwaami Lesa ayi, “Twamubishisha mukwiinga twakakaka mwebo nobaLesa besu akutalika kusebensela baBaali.”

Boomboloshi 10:6

Mpeeke bene Isilaeli bakabisha alimwi pameenso aMwaami Lesa ceebo bakatalika kusebensela baBaali aba Ashitaloti. Bakasebensela abalesa ba kuSilya, Sidoni, Moabu, Amoni alimwi aba kuFilisitiya. Bakafutatila Mwaami Lesa akucileka kumusebensela.

Boomboloshi 13:1

Ono bene Isilaeli bakabisha alimwi pameenso a Mwaami Lesa. Aboobo Mwaami Lesa wakabaaba mumaansa a bene Filisiti kwamyaaka makumi one.

Boomboloshi 3:12

Ono bene Isilaeli bakabisha pameenso a Mwaami Lesa alimwi. Aboobo Mwaami Lesa wakalengesha Egiloni mwaami wa kuMoabu ayi eendeewo nkusu pali mbabo.

Boomboloshi 3:7

Anu bene Isilaeli bakabisha pameenso a Mwaami Lesa, Lesa wabo. Bakamulubaako akutalika kulambila baBaali abaAshela.

Boomboloshi 4:1

Ciindi Eyudi ndyaakafwa, bene Isilaeli bakabisha pameenso a Mwaami Lesa alimwi.

Boomboloshi 6:1

Ono bene Isilaeli bakabisha alimwi pameenso a Mwaami Lesa. Aboobo Mwaami Lesa wakabaaba mumaansa a bene Midyani kwamyaaka yosanwe ayobilo.

Boomboloshi 6:25

Mpeeke mashiku eenka ayo Mwaami Lesa wakaambila Gidyoni ayi, “Tola mucende wa baiso ucite myaaka yosanwe ayobilo. Umwaye cipaililo ca baiso ncebapaililawo Baali. Utimboole cikoshanyo cakwe Ashela, lesa mwanakashi cili kulubasu lwa ncico.

Boomboloshi 8:33

Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.

1 Samwelo 12:10

Lyalo bakalilila Mwaami Lesa ayi abacaafwe akwaamba ayi, ‘Twakabisha mukwiinga twakafutatila ndimwe noBaami baLesa, akulambila shibumbwabumbwa shakwe Baali ashikoshanyo shakwe Ashitaloti. Amutufuune ono kubalwani besu. Lyalo tulaakunoolambilabo ndimwe!’

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”

1 Samwelo 7:4

Mpomunyaawo bene Isilaeli bakasowa shibumbwabumbwa shakwe Baali ashikoshanyo shakwe Ashitaloti akutalika kulambilabo Mwaami Lesa eenka.