Boomboloshi 19:2 - Baibo Busansulushi Bwa Libuku Ili

² Bumwi bushiku mwanakashi uyo wakaambana amusankwa mwine Lefi uyo. Lyalo wakaya kuli baishi kuBetileemu mucishi ca Juda uko nkwaakaya mukwikala myeenshi yone.

Boomboloshi 19:2 Marejeleo ya Msalaba

Esekelo 16:28

“Wakalinga kucita bufuule abene Asilya ceebo cakutakuta kwako, nakubi boobo akwalo uko tookwe kukutaawo, sobwe.

Bene Lefi 21:9

“ ‘Ono na mwaana mwanakashi wa mupailishi waba mufuule, wasebaanya baishi. Aboobo ulyeelete kutentwa kushikila wafwa.

Dutolonomi 22:21

balyeelete kumutola pamulyango wa ŋanda ya baishi, apo basankwa ba mundabala mpobeelete kumucaya amabwe ceebo wacita cintu cilensha nsoni muIsilaeli, kwiinda mukukumana abasankwa kaacili muŋanda ya baishi. Munshila iyi mulaakukusha bubi ubu pakati kanu.

Boomboloshi 17:7

Ono kwakalinga cikula bwangu umwi mwine Lefi wakalinga kwikala muBetileemu mucishi ca Juda.

Boomboloshi 19:1

Munshiku isho tekwakalinga mwaami muIsilaeli. Ono kwakalinga mwine Lefi wakalinga kwikala mucishi ca tulundu ca Efuleemu. Wakasuna mwanakashi wa kuBetileemu mucishi ca Juda ayi abe kasuwa wakwe.

Boomboloshi 19:3

Mpeeke mwine Lefi uyo wakanyamuka wamukonkela kwaamba ayi amukombelele akumuboosha kumishaabo. Wakaya amusebenshi wakwe alimwi ambongolo shobilo. Ono ndyaakashika kulya, mwanakashi uyo wakamwinjisha muŋanda. Abalo bapongoshi bakwe bakamutambula camaansa obilo.