Boomboloshi 19:1 - Baibo Busansulushi Bwa Libuku Ili

¹ Munshiku isho tekwakalinga mwaami muIsilaeli. Ono kwakalinga mwine Lefi wakalinga kwikala mucishi ca tulundu ca Efuleemu. Wakasuna mwanakashi wa kuBetileemu mucishi ca Juda ayi abe kasuwa wakwe.

Boomboloshi 19:1 Marejeleo ya Msalaba

Matalikilo 22:24

Leuma, kasuwa wakwe Nawoli, wakashala Teba, Gaamu, Taashi alimwi aMaaka.

Matalikilo 25:6

Nakubi boobo kaacili muumi baana ba bamakaakwe bamwi wakabapa shipo. Lyalo wakabatuma kucishi ca kwicwe kwaamba ayi bashiye Isaki mwanaakwe eenka,

Matalikilo 35:19

Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu.

2 Samwelo 16:22

Mpeeke bakayaka tente peculu lya ciluli. Lyalo Abusalomu wakakumana abakasuwa ba baishi, bene Isilaeli baanji kababweneeko.

2 Samwelo 19:5

Ono Joabu wakaya kuŋanda ya mwaami akuya mukumwaambila ayi, “Sunu mwabalensha nsoni bashilumamba banu abo bakafuna buumi bwanu, bwa bana banu basankwa abanakashi alimwi abwa bamakaanu pantu pomwi abwa bakasuwa banu.

2 Samwelo 20:3

Defedi ndyaakashika kuJelusalemu wakabwesa bakasuwa bakwe abo mbwaakalinga washiya ayi banoolama ŋanda ya bwaami akubabika muŋanda yakalinga kulamwa abeshikulindilila. Wakalinga kubapa shoonse shiyandika sombi taakwe kukumanaabo tubili. Bakalinga kulamwa umo abeshikulindilila kushikila kukufwa kwabo. Ncakwiila bakalinga kwikalabo anga mbamukalubinje.

2 Samwelo 3:7

Ono Saulo wakalinga kucite kasuwa wakalinga kwiitwa ayi Lisipa mwanaakwe Aya. Bumwi bushiku Ishibosheti wakabekesha Abina ayi wakakumana aLisipa uyo.

2 Samwelo 5:13

Ono Defedi ndyaakaswa muEbuloni akuya muJelusalemu, wakabwesa bakasuwa abamwi alimwi akweeba abamwi banakashi, abo bakamushalila baana abamwi basankwa abanakashi.

1 Baami 11:3

Solomoni wakeeba banaabaami bali 700 alimwi wakalinga kucite bakasuwa bali 300. Banakashi abo bakamulengesha kwaamba ayi ashiye nshila yakwe Lesa.

1 Baami 4:8

Meena abo ashipansha nshebakalinga kweendelesha ngaaya. Beni Elu wakalinga kweendelesha cishi ca tulundu cakwe Efuleemu.

2 Makani 11:21

Pantu pomwi wakalinga kweebete banakashi bali 18 kubikaawo abakasuwa bali 60. Wakashala baana basankwa bali 28 kubikaawo abaana banakashi bali 60. Pakati ka bamakaakwe boonse aba alimwi abakasuwa bakwe, Maaka ngwaakalinga kusunishi.

Esita 2:14

Wakalinga kuya macolesha akuswaako macuunsa kuya kumusena umwi wa banakashi akubikwa mumaansa akwe Shaashigasi musankwa wakacaikwa lushalo uyo ulama bakasuwa ba mwaami. Mwanakashi uyo taakoonshi kuya alimwi kumwaami, sombibo na mwaami wamusuna akumwiita liina lyakwe.

Danyelo 5:3

Lyalo bakaya baleta nkomeshi sha golodi isho shakaswa muŊanda yakwe Lesa kuJelusalemu. Mpeeke mwaami, bacinenenene, bamakaakwe abakasuwa bakwe bakanwitaamo.

Malaki 2:15

Sa te Mwaami Lesa ngowakabapaankanya kuba mubili womwi? Mumubili amumuuya mbaakwe. Ino ceebonshi ngumubili womwi? Wakacita boobo ayi mube abaana bamulambila. Paceebo ceeci, amulilaame mubuumi bwanu kwaamba ayi kukabule nabi womwi eshi akabule kucita kweelana ambwaakalasha mukaakwe mutaanshi.

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Joshuwa 24:30

Bakamubika mucishi cakwe mwiine kuTimunati Sela mucishi ca tulundu ca Efuleemu kumatwa a Kalundu ka Gaashi.

Joshuwa 24:33

Alakwe Eliyasa mwanaakwe Aloni wakafwa akubikwa kuGibiya, ndabala iyo yakalinga mucishi ca tulundu ca Efuleemu iyo yakapekwa kuli Fineyasi mwanaakwe musankwa.

Boomboloshi 12:8

Jefuta ndyaakafwa, Ibisani wa kuBetileemu wakaba ngomoomboloshi wa bene Isilaeli.

Boomboloshi 17:1

Kucishi ca tulundu ca kuEfuleemu kwakalinga muntu wakalinga kwiitwa ayi Mika.

Boomboloshi 17:6

Paciindi ico tekwakalingawo mwaami muIsilaeli. Aboobo muntu uli woonse wakalinga kucita kweelana ambwaasuni.

Boomboloshi 17:7

Ono kwakalinga cikula bwangu umwi mwine Lefi wakalinga kwikala muBetileemu mucishi ca Juda.

Boomboloshi 17:8

Muntu uyo wakaswa kuBetileemu akuya buyandoola mpweenga wekala. Ono ndyaakalinga kuya bweendeenda wakashika kucishi ca tulundu ca Efuleemu kuŋanda yakwe Mika.

Boomboloshi 18:1

Paciindi ico tekwakalinga mwaami muIsilaeli. Bantu ba mumukowa wa bene Dani bakalinga kuyandoola musena wakwikalaako ceebo balo kabatana kuba acipansha cabo mucishi ca bene Isilaeli.

Boomboloshi 18:13

Kuswawaawo bakeendelela akuya mukushika kucishi ca tulundu ca Efuleemu akuya mukushikila kuŋanda yakwe Mika.

Boomboloshi 19:16

Ono kabacili waawo kwakapola mucembele musankwa umwi kaaswita kumuunda macolesha. Muntu uyo wakalinga kwikala mucishi ca tulundu ca Efuleemu alimwi wakalinga ngumweensu muGibiya. Bene cishi ico bakalinga mbene Benjameni.

Boomboloshi 19:2

Bumwi bushiku mwanakashi uyo wakaambana amusankwa mwine Lefi uyo. Lyalo wakaya kuli baishi kuBetileemu mucishi ca Juda uko nkwaakaya mukwikala myeenshi yone.

Boomboloshi 21:25

Paciindi ico tekwakalingawo mwaami muIsilaeli. Aboobo muntu uli woonse wakalinga kucita kweelana ambwaasuni.

Boomboloshi 3:27

Ono ndyaakashika kucishi ca tulundu ca Efuleemu, wakalisha lupeenga kwiita bene Isilaeli ayi baye mukulwana. Lyalo wakabatanjilila kukunkuluka tulundu.