Boomboloshi 18:7 - Baibo Busansulushi Bwa Libuku Ili

⁷ Basankwa bosanwe abo bakatolelela lweendo lwabo akuya mukushika kuLaishi. Bakacana kwaamba ayi bantu bakokulya bakalinga kwikala muluumuno alimwi kabaliibite bweenka mbuli bakuSidoni. Taaku ncebakalinga kulila, bakalinga babile. Bakalinga kwikala palaamfu abene Sidoni alimwi tebakalinga kunyumfwana abantu bamwi.

Boomboloshi 18:7 Marejeleo ya Msalaba

1 Baami 1:6

Defedi ishi taakwe kumupilinganya mukumwiipusha ayi, “Ino utoocitilanshi bobulya?” Adonija wakalinga musankwa mubotu ciwa abuumbi alimwi ngowakalinga kukonkela Abusalomu mukushalwa.

1 Baami 16:31

Taakwe kubishabo mbuli mbwaakabisha Jeloboamu mwanaakwe Nebati, sombi lakwe wakaya amukweeba walutundu wiitwa ayi Jesebelo, mwaana mwanakashi wakwe Etibaala mwaami wa bene Sidoni. Lyalo wakatalika kusebensela Baali akumulambila.

1 Makani 4:40

Uko bakacana mafulo abotu alimwi cishi cakalinga liwesa, caluumuno alimwi citacite coongo. Bene Amu mbobakalinga kwikalaako uko pakutaanguna.

Jelemiya 49:31

“Amunyamuke mukalwane mushobo wa bantu uliibite. Toolisukami nabi comwi. Mushobo uyo toocite ndabala icite mwinjililo nabi mpingilo. Ulilishiitilebo kwakubula akwakucicila.

Bene Loma 13:3

Ceebo beendeleshi tabaloondwi kubantu bacita shibotu, sombi kubaabo bacita shibiibi. Sa ulisuni kutaloonda mweendeleshi? Anu kocita shibotu, lyalo lakwe ulaakukulumbaisha.

Joshuwa 19:47

Bene Dani ndibakanyaikwa cishi cabo, bakaya mukulwana ndabala inene ya Leshemu. Bakaishinguluka, bacaya bantu ba mumo boonse alimwi akwiibwesa ayi njabo. Bakekala mundabala iyo akwiitumba liina limwi ayi Dani, liina lya mushali wabo mukulukulu.

1 Pita 2:14

nabi kubeendeleshi mbaakabika kupa mulandu abo bacita shitaluleme akulumbaisha bacita shiluleme.

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Boomboloshi 18:29

Ndabala iyo bakeetumba ayi Dani, liina lya mushali wabo mukulukulu uyo wakalinga mwanaakwe Jakobo. Kale kale yakalinga kwiitwa ayi Laishi.

Boomboloshi 18:6

Mupailishi uyo wakabakumbula ayi, “Amuye muluumuno. Mwaami Lesa ulilubwene lweendo lwanu.”

Boomboloshi 18:8

Ono ndibakaboola kumishaabo kuSola aEshitaoli, bene mishaabo bakabeepusha ayi, “Mwakeenda buyani?”

1 Samwelo 3:13

Ndakamulwiitawo kale ayi ndaakupa mulandu bamuŋanda yakwe kwamuyayaya ceebo bana bakwe basankwa bakancobola. Eli wakalinga kwishi ayi mbobatoocita ubo, sombi taakwe kubakasha.