Boomboloshi 18:10 - Baibo Busansulushi Bwa Libuku Ili

¹⁰ Mwashika, mulacana ayi mbantu bashiite cakuliiba. Cishi ico ncinene alimwi Lesa wacaaba kale mumaansaanu. Taaku kantu katamo mucishi ico.”

Boomboloshi 18:10 Marejeleo ya Msalaba

Boomboloshi 18:27

Munshila iyo bakatola shintu isho shakapanga Mika pantu pomwi amupailishi wakwe. Bantu abo bakaya mukushika kuLaishi uko kwakalinga bantu bakalinga kushiite cakuliiba. Mpeeke bakamana kubacaya akutenta ndabala yabo.

Boomboloshi 18:7

Basankwa bosanwe abo bakatolelela lweendo lwabo akuya mukushika kuLaishi. Bakacana kwaamba ayi bantu bakokulya bakalinga kwikala muluumuno alimwi kabaliibite bweenka mbuli bakuSidoni. Taaku ncebakalinga kulila, bakalinga babile. Bakalinga kwikala palaamfu abene Sidoni alimwi tebakalinga kunyumfwana abantu bamwi.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Joshuwa 6:16

Ono ndibakashinguluka lwasanu aobilo, bapailishi ndibakalibambila kulisha mapeenga, Joshuwa wakaambila bantu ayi, “Amoolobeshe! Ceebo Mwaami Lesa waaba ndabala inene iyi mumaansaanu!

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 2:29

kushikila tusubuke Mulonga wa Joodani kuya mucishi ico Mwaami Lesa, Lesa wesu ncaatootupa. Bamulunyungu lwakwe Esau abo bekala muEdomu, abene Moabu bekala muAli balo bakatusuminisha kwiinda mushishi shabo.’

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Boomboloshi 18:9

Mpeeke balo bakakumbula ayi, “Amufwambaane tuye tukalwaane abene Laishi! Ceebo cishi cabo twakacibona ncibotu abuumbi. Mutakalibo, kamuya mukabanyaaye cakutatonshaawo.

Boomboloshi 18:11

Mpomunyaawo bashilumamba bali 600 ba mumukowa wakwe Dani bakabwesa shakulwanisha shabo akunyamuka kuswa kuSola aEshitaoli.

Joshuwa 2:23

Lyalo beshikusensa bobilo balya bakatalika kuboola. Bakaswa mutulundu akusubuka Mulonga wa Joodani akwisa kuli Joshuwa uyo ngobakalwiita shoonse shakabacitikila.

Joshuwa 2:24

Bakaambila Joshuwa ayi, “Ncalushinisho Mwaami Lesa watupa cishi coonse. Bantu boonse kulya baliloondete abuumbi ceebo ca ndiswe.”