Boomboloshi 17:5 - Baibo Busansulushi Bwa Libuku Ili

⁵ Ono Mika uyo wakalinga kucite cipaililo cakwe mwiine. Wakatunga acakufwala ca bupailishi ciitwa ayi efodi akupanga shibumbwabumbwa shimwi. Lyalo wakabika mwanaakwe umwi ayi ngumupailishi.

Boomboloshi 17:5 Marejeleo ya Msalaba

Matalikilo 31:19

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.

Matalikilo 31:30

Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”

1 Baami 12:31

Jeloboamu wakayaka misena yakulambililaako peculu patulundu. Wakasala abapailishi bateshi bamumukowa wa bene Lefi.

1 Baami 12:32

Jeloboamu alakwe wakabika bushiku bwalikumi ashosanwe mumweenshi wasanu ayotatwe ayi mbwakusekelela bweenka mbocakalinga kucitika muJuda. Wakalinga kubenga milambu mundabala ya Betelo kubacende baana ba golodi abo mbwaakabumba. KuBetelo wakabikaako bapailishi ayi basebensele kumisena yakulambililaako ya patulundu njaakayaka.

Esila 1:7

Mpeeke mwaami Sailasi wakababoshesha mbale ankomeshi isho mwaami Nebukadinesa nshaakakusha muŊanda ya Mwaami Lesa muJelusalemu akushibika muŋanda ya balesa bakwe.

Kulonga 24:5

Kuswawaawo Mose wakatuma basankwa bacikula bwangu ayi babengele Mwaami Lesa milambu yakutenta, alimwi akubenga bacende ayi babe milambu ya bwanabwankashi.

Kulonga 28:15

“Ono kukatungwe acakufwala pacaamba ca mupailishi munene ayi anoocisebensesha mukwishiba kuyanda kwangu nebo neLesa. Acalo cilyeelete kutungwa kushintu sheenka shili mbuli sha efodi alimwi ashakubotesha shikoshenye.

Kulonga 28:4

Ukabalwiite ayi bakatunge cakufwala ca pacaamba, cakufwala ca bupailishi ciitwa ayi efodi, mungaanjo, amwinjila utungitwewo shintu shimwi shakubotesha, cakufwala ca kumutwi alimwi alaamba. Shakufwala ishi sha bupailishi balyeelete kutungila Aloni alimwi abana bakwe basankwa ayi bakansebensele mulimo wa bupailishi.

Kulonga 29:9

balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.

Isaya 44:13

Alakwe shikubesa mapulanga ulatalatala ncaasuni kubesa. Lyalo ulatalika kubesa cili anga ngumuntu. Ulabesa muntu mubotu kwaamba ayi abike muŋanda yakulambililaamo.

Esekelo 21:21

Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Esekelo 21:26

Nebo neMwaami Lesa Shinkusu shoonse ndaamba. Ono fuula cisani cako cakufwala kumutwi, ukusheko amushini. Shintu teshi shikabe mbuli mboshibete sunu. Bantu balibombya mbweshi bakasumpulwe, abalo balisumpula mbweshi bakatolwe panshi.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Osiya 8:14

Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”

Shakubelenga 3:10

Sombi ukabike Aloni alimwi abana bakwe basankwa pamulimo wa bupailishi. Ono umwi woonse eshi akeeleshe kucita mulimo uyu, ulaakucaikwa.”

Bene Ebulu 5:4

Taaku muntu usala kulipa bulemu bwakuba mupailishi munene, sombi nguLesa umwiita, bweenka mbwaakeeta Aloni.

Boomboloshi 17:4

Nakubi boobo Mika wakapilusha maali ayo kuli banyina. Balo bakabwesaawo maali ali 200 akwaapa shikufula uyo wakabesa cibumbwabumbwa akucinanika silifa. Lyalo cakabikwa muŋanda yakwe Mika.

Boomboloshi 18:14

Mpomunyaawo basankwa bosanwe abo bakalinga mukusensa cishi ca Laishi bakaambila babyaabo ayi, “Sa mulishi kwaamba ayi muŋanda imwi pamaanda aya muli efodi, shibumbwabumbwa shimwi acibumbwabumbwa cakubesa cakananikwa silifa? Ono muleshiba cakucita.”

Boomboloshi 18:24

Mika wakabakumbula ayi, “Mwantolela balesa bangu mbondakalipangila alimwi mwanyaya amupailishi wangu. Nebo taaku ancemwanshiilaawo. Mwamana mutoonjipusha ayi, ‘Ino cakupensha nciinshi?’ ”

Boomboloshi 18:30

Lyalo bene Dani bakeemika cibumbwabumbwa cilya cakubesa cakananikwa silifa. Jonasani mwanaakwe Geshomu, mwishikulu wakwe Mose, ngowakalinga mupailishi wa mukowa wine Dani. Bamulunyungu lwakwe bakalinga kuba bapailishi babo kushikila ciindi ndibakatolwa mucishi cabusha.

Boomboloshi 8:27

Lyalo Gidyoni wakapanga efodi kusebensesha golodi uyo akwiibika mundabala yakwe ya Ofula. Mpeeke bene Isilaeli boonse bakacileka kulambila Lesa akutalika kulambila efodi iyo. Efodi iyo yakaba koose kuli Gidyoni abamuŋanda yakwe.

1 Samwelo 19:13

Kuswawaawo Mikali wakabwesa cibumbwabumbwa, wacooneka pabulo. Wakacifweka cakufwala ca peculu akubika mutaamino wa booya bwa mpongo kumitwi ya ncico.

1 Samwelo 23:6

Ono Abiyata mwanaakwe Aimeleki ndyaakaloboka akuya mukwikala aDefedi muKeila, wakabwesa acakufwala ca bupailishi ciitwa ayi efodi akuyaaco.