Boomboloshi 17:3 - Baibo Busansulushi Bwa Libuku Ili

³ Lyalo wakapilusha maali a silifa ayo oonse kuli banyina. Mpeeke banyina bakaamba ayi, “Kukasha mashingo ngondakashingana kucitika kumwanaangu, ndapa maali a silifa aya nemwiine kuMwaami Lesa. Maali a silifa aya asebenseshekwe kubesa cibumbwabumbwa akucinanika silifa. Aboobo ndakupa maali aya.”

Boomboloshi 17:3 Marejeleo ya Msalaba

2 Makani 33:7

Wakabika cikoshanyo cakubesa muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwa.

Kulonga 20:23

Tamweelete kulipangila balesa ba silifa nabi golodi twakunoolambila pantu pomwi anebo.

Kulonga 20:4

“Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

Kulonga 34:17

“Tamweelete kupanga balesa basheela alimwi akunoobalambila.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Bene Lefi 19:4

“Tamweelete kushiya ndime akutalika kulambila shibumbwabumbwa. Tamweelete kubumba balesa ba sheela akutalika kubalambila. Nebo ndime Mwaami Lesa wanu.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Dutolonomi 12:3

Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

Boomboloshi 17:13

Kuswawaawo Mika wakaamba ayi, “Ono ndeshiiba kwaamba ayi Mwaami Lesa utoompa coolwe ceebo ndaba amupailishi mwine Lefi.”

Boomboloshi 17:2

Bushiku bumwi Mika wakaambila banyina ayi, “Maali a silifa alya ali 1,100 ngomwakeepilwa akushingana wakeepa, ndime ngacite. Ndime ndakaaipa.” Banyina bakamukumbula ayi, “Mwaami Lesa akupe coolwe omwanaangu.”

Boomboloshi 17:4

Nakubi boobo Mika wakapilusha maali ayo kuli banyina. Balo bakabwesaawo maali ali 200 akwaapa shikufula uyo wakabesa cibumbwabumbwa akucinanika silifa. Lyalo cakabikwa muŋanda yakwe Mika.

Boomboloshi 18:30

Lyalo bene Dani bakeemika cibumbwabumbwa cilya cakubesa cakananikwa silifa. Jonasani mwanaakwe Geshomu, mwishikulu wakwe Mose, ngowakalinga mupailishi wa mukowa wine Dani. Bamulunyungu lwakwe bakalinga kuba bapailishi babo kushikila ciindi ndibakatolwa mucishi cabusha.

Boomboloshi 18:5

Lyalo bakamwaambila ayi, “Twiipushisheeko kuli Lesa na tutokweenda kabotu mulweendo lwesu ulu.”