Boomboloshi 14:6 - Baibo Busansulushi Bwa Libuku Ili

⁶ Mpeeke Mushimu wa Mwaami Lesa wakesa pali nguwe akumupa nkusu cakwaamba ayi wakaya waikwamuna amaansabo anga ngumuntu utookwamuna mwanaampongo. Sombi taakwe kulwiitawo baishi nabi banyina makani ayo.

Boomboloshi 14:6 Marejeleo ya Msalaba

Boomboloshi 3:10

Mushimu wa Mwaami Lesa wakesa pali nguwe. Aboobo wakaba moomboloshi wa bene Isilaeli akubatanjilila kuya kunkondo. Mpeeke Mwaami Lesa wakaaba Kushani Lishataimu mwaami wa kuMesopotamya mumaansa akwe Otiniyelo wamukoma.

1 Samwelo 11:6

Saulo ndyaakanyumfwa boobo Mushimu wakwe Lesa wakamuselukila cankusu, mpeeke wakakalala abuumbi.

Boomboloshi 13:25

Lyalo Mushimu wa Mwaami Lesa wakatalika kumupa nkusu kaacili kuMaane Dani, pakati ka Sola alimwi aEshitaoli.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Sekaliya 4:6

Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

Isaya 42:2

Teshi akapikishe nabi koolobesha, nabi kuya bwaambilisha mumashila.

1 Samwelo 17:46

Sunu Mwaami Lesa utookwaaba mumaansaangu ayi kuncaaye akukusutula mutwi. Mibili ya bene Filisiti sunu ntooipa bayuni abanyama bamuluundu. Lyalo bantu ba mucishi ca panshi coonse batooshiba ayi muli Lesa muIsilaeli.

Boomboloshi 16:30

Mpomunyaawo wakoolobesha ayi, “Aamfwite pantu pomwi abene Filisiti!” Mpeeke wakashindika ankusu shakwe shoonse. Ŋanda iyo yakawa akulimba bamaami abantu boonse bakalingaamo. Aboobo bantu mbwaakacaya pakufwa bakeenda baabo mbwaakacaya kaacili muumi.

Boomboloshi 15:15

Lyalo wakabwesa mubanga wa mbongolo yakafwa coonoono akucaishako bantu bali 1,000.

Boomboloshi 15:8

Lyalo wakabalwana akucaya bantu baanji. Kuswawaawo wakanyamuka akuya mukwikala mucimfwengo ca mwaandami wa kuEtamu.

Boomboloshi 11:29

Mpomunyaawo Mushimu wa Mwaami Lesa wakesa pali Jefuta. Lyalo wakeenda muGilyadi amucishi ca bene Manase. Kuswawaawo wakaboolela kuMisipa mucishi ca Gilyadi ngooyo kuAmoni.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

Boomboloshi 14:5

Mpomunyaawo Samusoni wakaya kuTimuna abaishi alimwi abanyina. Ono ndibakashika kumyuunda ya minyansa kuTimuna, bakanyumfwa mwanaankalamu kaabuluma.

Boomboloshi 14:7

Kuswawaawo Samusoni wakaya mukubandika amwanakashi ulya. Mwanakashi uyo wakamukonda abuumbi.

1 Samwelo 10:6

Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.

Kulumbaisha 91:13

Ulaakulyatoola nkalamu alimwi abafumbe. Ulaakulyatoola nkalamu shikali alimwi ansooka shicaya!

Boomboloshi 14:19

Mpomunyaawo Mushimu wa Mwaami Lesa wakesa pali nguwe akumupa nkusu. Lyalo wakaya kuAshikeloni uko nkwaakacaya bantu makumi otatwe. Wakabanyaya shakufwala shabo shibotu akushipa baabo bakasansulula kashimpi. Kuswawaawo wakaboolela kumishaabo kaakalalite abuumbi.

1 Samwelo 10:16

Saulo wakakumbula ayi, “Wakatulwiita ayi shacanika kale.” Saulo wakeelabo waawo nkokwaamba ayi taakwe kulwiita bashimishaabo cikani cakuba mwaami kwakwe.

1 Samwelo 14:1

Bumwi bushiku Jonasani mwanaakwe Saulo wakaambila musankwa cikula bwangu wakalinga kunyamuna shakulwanisha shakwe ayi, “Atusubuke tuye kumisumba ya bene Filisiti.” Nakubi boobo taakwe kulwiita baishi.