Boomboloshi 13:7 - Baibo Busansulushi Bwa Libuku Ili

⁷ Sombi wandwiita kwaamba ayi, ‘Ulaakumita akushala mwaana musankwa. Anu kuswa sunu ucileeke kunwa waini nabi cili coonse cikola alimwi utanoolya cakulya citasalalite kweelana aMilawo, ceebo mwaana uyo ulaakunooli muNasili. Nkokwaamba ayi ulaakubengwa kuMwaami Lesa kuswa bushiku mbweshi akashalwe kushikila akafwe.’ ”

Boomboloshi 13:7 Marejeleo ya Msalaba

Jelemiya 35:6

Sombi balo bakankumbula ayi, “Swebo tatunwiiwo waini ceebo mushali wesu mukulukulu Jonadabu mwanaakwe Lekabu wakatulwiita ayi swebo nabi bamulunyungu lwesu tatweelete kunwa waini.

Amosi 2:11

Ncakwiila ndakasala balaluki pakati kanu akusala bamwi ayi babe baNasili. Sa te mbocibete ubo mwebo nobene Isilaeli? Nebo neMwaami Lesa ndaamba.

Shakubelenga 6:2

“Lwiita bene Isilaeli ayi na musankwa nabi mwanakashi uyo washomesha cakulumbila kuba muNasili mukulibenga kuli ndime neMwaami Lesa,

Boomboloshi 13:4

Anu tooelete kunwa waini nabi cakunwa cimwi cikola. Tooelete kulya cakulya cili coonse citasalalite kweelana aMilawo.

Boomboloshi 13:6

Mpomunyaawo mwanakashi wakaya mukwaambila ibaye ayi, “Muntu wakwe Lesa walinga wesa kuli ndime. Walinga kuboneka anga ngumunjelo wakwe Lesa. Walinga kuloondesha abuumbi. Nshikwe kumwiipusha nkwaaswa, alakwe taakwe kundwiita liina lyakwe.

Boomboloshi 13:8

Mpeeke Manowa wakapaila kuMwaami Lesa ayi, “NoBaami baLesa ndasenga kwaamba ayi muntu ulya ngomwakatuma ese alimwi mukutwiisha nshetweelete kucita kumwaana uyo weshi akashalwe.”