Boomboloshi 13:12 - Baibo Busansulushi Bwa Libuku Ili

¹² Mpeeke Manowa wakamwiipusha alimwi ayi, “Ono isho nshemwakaamba shaakucitika, mwaana uyo ulaakwikala buuminshi? Alimwi ulaakunoocitanshi?”

Boomboloshi 13:12 Marejeleo ya Msalaba

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Kulumbaisha 143:8

Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.

Tushimpi 22:6

Iisha mwaana nshila njaaelete kweendelamo, kwaamba ayi aakukomena atakaswiimo.

Tushimpi 4:4

bata bakalinga kunjiisha akunoondwiita ayi, “Ulame maswi ngoontookwaambila amoyo wako woonse. Koshikonkela nsheenkwaambila, ingaawo ukabe abuumi.

Bene Efeso 6:4

Amwebo nobashali, mutanoolela bana banu munshila yakubakalasha. Sombi mulyeelete kubalela cakunoobeeisha akubalwiita nshebeelete kucita mubwikaalo bwa bwine Klistu.

Boomboloshi 13:11

Lyalo Manowa wakanyamuka akukonkela mukaakwe. Ndyaakashika kumuntu uyo wakamwiipusha ayi, “Sa mwebo ndimwe mwakabandika amukaangu.” Alakwe wakakumbula ayi, “Ee, ndime.”

Boomboloshi 13:13

Munjelo wa Mwaami Lesa wakamukumbula ayi, “Mukaako ulyeelete kucita shoonse nshendakamwaambila.