Boomboloshi 11:10 - Baibo Busansulushi Bwa Libuku Ili

¹⁰ Abalo bakakumbula ayi, “Ee, Mwaami Lesa ngokamboni wesu. Tulaakucita kweelana ambowaamba.”

Boomboloshi 11:10 Marejeleo ya Msalaba

Matalikilo 16:5

Lyalo Salai wakaambila Abulamu ayi, “Ndimwe mwalengesha kwaamba ayi Aga ansebaanye. Nebo nemwiine ndime ndakamupa kuli ndimwe. Ono kuswabo mbwaakashibila ayi wamita, ulansebaanya. Ncibotu, Lesa mwiine aomboloshe akwishiba ululeme pali ndiswe sobilo, mwebo na nebo!”

Matalikilo 21:23

Ono amushomeshe cakulumbila kuli Lesa kwaamba ayi teshi mukacenjeekeewo ndime, bana bangu, nabi bamulunyungu lwangu. Ndashomeka kuli ndimwe, amwebo amushomeshe ayi munanooshomeka kuli ndime alimwi akucishi cino umo momutekwikala.”

Matalikilo 31:50

Labani wakatolelela akwaamba ayi, “Na ukalele bana bangu aba calunkutwe, nabi kweeba abamwi banakashi, nakubi kwaamba ayi ndabula kwiishiba mbowacita, ibaluka ayi Lesa ulitubwene.

Matalikilo 31:53

Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Jelemiya 29:23

Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Jelemiya 42:5

Mpeeke bakandwiita ayi, “Mwaami Lesa abe kamboni walushinisho alimwi ushomeka pali ndiswe na tukabule kucita kweelana ashoonse isho nsheshi amwaambile ayi mutulwiite.

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Bene Loma 1:9

Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

2 Bene Kolinto 11:31

Lesa alimwi Ishi Mwaami wesu Jesu, uyo weelete kulumbaishikwa lyoonse alyoonse, ulishi ayi nshintoobeca.

Dutolonomi 1:16

“Mpomunyaawo ndakabalwiita ayi, ‘Amukutike makani akwiinga esa pakati ka bantu banu. Amoomboloshe makani oonse cakwelanisha nabi ali pakati ka bene Isilaelinyinaanu nabi na ngumwine Isilaeli amuswamashi ngomwikalaakwe.

Boomboloshi 11:9

Lyalo Jefuta wakabaambila ayi, “Na muntole kumisheesu ayi nkalwane abene Amoni, alimwi na Mwaami Lesa akabaabe mumaansaangu, sa ncakwiila ndaakuba muleli wanu?”

1 Samwelo 12:5

Lyalo Samwelo wakabaambila ayi, “Mwaami Lesa amwaami ngwaakasala baba bakamboni sunu kwaamba ayi mwasumina ayi nshicite mulandu napaceyuubo.” Abalo bakaamba ayi, “Ee, Mwaami Lesa ngukamboni wesu.”

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.