Boomboloshi 10:15 - Baibo Busansulushi Bwa Libuku Ili

¹⁵ Lyalo bene Isilaeli bakaambila Mwaami Lesa ayi, “Ncakwiila twakamubishisha. Amucite mbuli mbomusuni kuli ndiswe, sombi lwasunubo twamusenga ayi mutucaafwe.”

Boomboloshi 10:15 Marejeleo ya Msalaba

2 Samwelo 10:12

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Samwelo 15:26

Sombi na akaambe ayi, ‘Nshikondetwe pali nguwe,’ nebo ndilibambite kwaamba ayi akanciite cili coonse ncaasuni.”

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

2 Samwelo 24:14

Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

Jona 2:4

Ndakaamba ayi, ‘Ndatandaanishikwa pameenso anu, nakubi boobo, ndaakulangilisha alimwi kuŊanda yanu isalalite.’

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Joshuwa 9:25

Ono bulya tuli mumaansaanu. Amutucite cili coonse nceshi mubone ayi ncibotu alimwi cililuleme kuli ndimwe.”

1 Samwelo 12:10

Lyalo bakalilila Mwaami Lesa ayi abacaafwe akwaamba ayi, ‘Twakabisha mukwiinga twakafutatila ndimwe noBaami baLesa, akulambila shibumbwabumbwa shakwe Baali ashikoshanyo shakwe Ashitaloti. Amutufuune ono kubalwani besu. Lyalo tulaakunoolambilabo ndimwe!’

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”

1 Samwelo 7:6

Aboobo boonse bakabungana kuMisipa. Bakateka maanshi akwaabenga ayi ncipo kuMwaami Lesa mukwaatila. Lyalo bakalikasha kulya bushiku boonse ubo akusumina ayi, “Twakabishisha Mwaami Lesa.” KuMisipa Samwelo nkwaakatalikila koombolosha pakati ka bene Isilaeli.