Biblia Todo Logo
Biblia ya mtandaoni

- Matangazo -




Boomboloshi 1:7 - Baibo Busansulushi Bwa Libuku Ili

7 Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Tazama sura Nakili




Boomboloshi 1:7
16 Marejeleo ya Msalaba  

Uye umwaambile ayi Mwaami Lesa waamba ayi, ‘Ndiwamana kucaya muntu uyo, sa ulisuni kubwesa amuunda wakwe?’ Lyalo umulwiite ayi, ‘Pamusena apo peenka bakabwa mpobakamyangutila bulowa bwakwe Naboti, awebo bulowa bwako mpweshi bakabumyangutile.’ ”


Ukeecaaye, akubwesa bulowa bwa njiyo bumwi akunanika Aloni alimwi abana bakwe basankwa kumatwi a kululyo, kuminwe inene ya kumaansa a kululyo alimwi akushikumo shinene sha kumyeendo ya kululyo. Bulowa boonse bweshi bukacaaleewo, ukabusanseele mumbasu shoonse shone sha cipaililo.


Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.


Paciindi ico ndaakupa mulandu abo bakalinga kukulyatilila. Ndaakufuna balema boonse akubunjika boonse bakapalanganishilwa mubusha. Ndaakulengesha bantu kubalumbaisha akubalemeka mushishi shoonse umo mobakasebaanishikwa.


Nshebacita shilatondesha kwaamba ayi shaamba Milawo shililembetwe mumyoyo yabo. Shintu nshebayeeya mumyoyo yabo shilatondesha ayi nshancinencine ceebo cimwi ciindi shilabalwiita ayi babisha nabi bacita kabotu.


Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.


Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”


Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”


Adonibeseki wakacica, sombi bakamutandaanya akumweensha. Lyalo bakamusutula shikumo shinene sha kumaansa akumyeendo.


Ici cakacitika mukupilusha cibiibi cakacita Abimeleki pakucaya bana bakwe Gidyoni bali makumi osanwe aobilo, alimwi akubene Shekemu abo bakamucafwaako kubacaya.


Lesa wakapilushisha cibiibi abantu ba kuShekemu kweelana amaswi akwe Jotamu mwanaakwe Gidyoni ngaakaamba ndyaakabashingana.


Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.


Tufuate:

Matangazo


Matangazo