Boomboloshi 1:27 - Baibo Busansulushi Bwa Libuku Ili

²⁷ Ono mukowa wa bene Manase taukwe kutanda bantu bakalinga kwikala mundabala ya Beti Shani, Tanaki, Doli, Ibulimu, Megido amishi yakalinga kwaashingulukite. Aboobo bene Kenani bakatolelela kwikalaamo.

Boomboloshi 1:27 Marejeleo ya Msalaba

2 Baami 23:29

Muciindi ca bwaami bwakwe Josiya, Neko mwaami wa bene Ijipiti wakaya abashilumamba bakwe kuMulonga wa Yufuletisi mukucafwa mwaami wa bene Asilya. Mwaami Josiya wakaya mukulwana bashilumamba bene Ijipiti kuMegido. Lyalo Josiya bakamucaya munkondo iyo.

2 Baami 9:27

Mwaami Aasiya ndyaakabona shoonse shakacitika, wakacicisha cikoci akuya kundabala ya Beti Agani. Mpomunyaawo Jewu wakamutandaanya kaaya coolobesha ayi, “Amumucaaye alakwe!” Lyalo bakamucisa kaaya acikoci munshila yakuya kuGaa pafwaafwi andabala ya Ibuleyamu. Sombi wakalinga kuyabo tibili washika akundabala ya Megido uko nkwaakafwita.

Kulonga 23:32

Mutakapangi cipangano ambabo nabi abalesa babo.

Jelemiya 48:10

“Aashinganishikwe uyo utasuni kusebensa ankusu ncito yangu neMwaami Lesa! Aashinganishikwe uyo utasuni kucaya amupeeni wakwe.”

Dutolonomi 7:2

Na Mwaami Lesa, Lesa wanu akaabe bantu aba mumaansa anu alimwi mukabakoome mulyeelete kubacaya boonse. Kutapanga cipangano ambabo alimwi kutabanyumfwila nkumbu.

Joshuwa 21:25

Mucishi ca musa wa mukowa wakwe Manase, bakapekwa ndabala ya Taanaki alimwi aya Gati Limoni pantu pomwi amafulo a ngawo. Mandabala anene aya akalinga obilo.

Boomboloshi 1:1

Ono Joshuwa ndyaakafwa, bene Isilaeli bakeepusha Mwaami Lesa ayi, “Ino mbaani pakati kesu beshi bataangune kuya mukulwana abene Kenani?”

Boomboloshi 1:21

Sombi bene Benjameni balo tabakwe kutandaanya bene Jebusi bakalinga kwikala muJelusalemu. Aboobo kushikila asunu bene Jebusi balekala abene Benjameni.

Boomboloshi 1:26

Lyalo muntu uyo wakaya kucishi ca bene Iti uko nkwaakayaka ndabala akwiitumba ayi Lusi. Asunu ndabala iyi mboiciitwa.

Boomboloshi 1:28

Sombi bene Isilaeli ndibakaba bunene ankusu, bakacikonsha kusebensesha bene Kenani cabusha, nakubi kwaamba ayi bakaalilwa kubatandaamo boonse.

Boomboloshi 5:19

“Bamaami bakesa akulwana nkondo, ncakwiila bamaami ba kuKenani bakalwana kuTaanaki kufwaafwi akantupu ka Megido, sombi tabakwe kusaalawo silifa nabi cimwi cili coonse.

1 Samwelo 15:9

Ono Saulo abashilumamba bakwe tabakwe kucaya Agagi, nabi mbelele aŋombe shibotu, boombe abana ba mbelele beenite. Nkokwaamba ayi shintu shoonse shakalinga shibotu tabakwe kushinyonyoola. Sombi shoonse shatakalinga kuboneka kabotu, bakashinyonyoola.

1 Samwelo 31:10

Pesule bakabika shakulwanisha shakwe Saulo muŋanda njebakalinga kulambililaamo Ashitaloti lesa wabo mwanakashi akupopa mubili wakwe kulubumbu lwa ndabala ya Beti Shani.