Boomboloshi 1:19 - Baibo Busansulushi Bwa Libuku Ili

¹⁹ Nakubi boobo Mwaami Lesa wakalingaabo. Aboobo bakakonsha kukoma cishi ca tulundu. Ono bakaalilwa kukoma bantu bakalinga kwikala mushinyika mukwiinga bakalinga kucite shikoci sha nshimbi.

Boomboloshi 1:19 Marejeleo ya Msalaba

Matalikilo 39:2

Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,

Matalikilo 39:21

Sombi Mwaami Lesa wakalinga aJosefu alimwi wakamupa coolwe, cakwaamba ayi shintolongo wakakondwa buumi bwakwe.

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

2 Baami 18:7

Paceebo ceeco Mwaami Lesa wakalingaakwe alimwi wakalinga kuswitilila mushintu shoonse nshaakalinga kucita. Mpeeke wakabukila mwaami wa bene Asilya akukaka kumusebensela.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

Kulumbaisha 60:12

Na mwebo nobaLesa kamuli andiswe tulaakukoma. Ncakwiila ndimwe mweshi mukatukomeneeko balwani.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 14:12

Anu amumpe cishi ca tulundu ici Mwaami Lesa ncaakanshomesha pabushiku bulya. Mwebo nobeene mwakanyumfwa ayi nkokuli basankwa bapolomene beetwa ayi bene Anaki, alimwi mandabalaabo anene ali mumalinga anene. Sombi munkusu sha Mwaami Lesa mwiine, ndaakubatandaamo kweelana ambwaakaamba.”

Joshuwa 6:27

Lyalo Mwaami Lesa wakalinga aJoshuwa, mpeeke mpuwo yakwe yakakumanabo cishi coonse.

Joshuwa 7:12

Nceceeco bene Isilaeli ncebakomenwa kubalwani babo. Batoopiluka akucica balwani babo ceebo balo beene babikwa pakunyonyoolwa. Paceebo ceeci teshi mbeewo amwebo na mubule kunyonyoola shoonse nshendakamwaambila ayi mutabwesi.

Boomboloshi 1:2

Mwaami Lesa wakabakumbula ayi, “Bene Juda mbeshi bataangune kuya, ceebo cishi ndacaaba kale mumaansaabo.”

Boomboloshi 4:13

Wakeeta bashilumamba balwanina mushikoci shakwe sha nshimbi shili 900 abashilumamba bakwe bamwi boonse kuswa kuAlosheti Agoyimu akuya kuMulonga wa Kishoni.

Boomboloshi 4:3

Mwaami Jabini uyo wakalinga kucite shikoci sha nshimbi shili 900 alimwi wakalinga kweendelesha bene Isilaeli calunkutwe kwamyaaka makumi obilo. Paceebo ceeci bene Isilaeli bakalilila Mwaami Lesa ayi abacaafwe.

1 Samwelo 18:12

Mwaami Saulo wakatalika kuloonda Defedi ceebo Mwaami Lesa wakalinga anguwe, sombi lakwe wakamushiya.

1 Samwelo 18:14

Ono shintu shoonse nshaakalinga kucita, shakalinga kumweendela kabotu mukwiinga Mwaami Lesa wakalinga anguwe.

1 Samwelo 18:5

Ono Defedi wakalinga kucita cintu cili coonse cakamutuma Saulo cakuswitilila. Aboobo Saulo wakamulengesha kuba mutanjilili wa mulikoto lya bashilumamba bakwe. Cikani ico bantu boonse pantu pomwi abamatanjilili bamwi boonse bakwe Saulo bakakondwa.