Boomboloshi 1:18 - Baibo Busansulushi Bwa Libuku Ili

¹⁸ Sombi tabakwe kukoma ndabala inene ya Gasa amisena yakalinga kwiishingulukite, ya Ashikeloni amisena ya nguwo aya Ekiloni amisena ya nguwo.

Boomboloshi 1:18 Marejeleo ya Msalaba

1 Baami 4:24

Solomoni wakalinga kulela cishi coonse cakalinga kumbo lya Mulonga wa Yufuletisi kuswa kuTifusa kuya mukushika akundabala inene ya Gasa. Bamaami boonse kumbo lya Yufuletisi bakalinga mumaansaakwe alimwi wakalinga kwikala muluumuno ashishi shakalinga kumushingulukite.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Jelemiya 25:20

pantu pomwi abaswamashi boonse bali kooko, bamaami boonse ba bene Usi, bamaami boonse ba bene Filisiti nkokwaamba ayi ba kuAshikeloni, Gasa, Ekiloni abantu bakacaala kuAshidodi,

Jelemiya 47:5

Bene Gasa balaakukulula misusu mumitwi yabo mukulila cabuumba. Bene Ashikeloni balaakuumunabo tontolo. Mwebo nomwakacaala muliwesa, citooba ciindi cilaamfu buyani kamulinengoola?

Dutolonomi 2:23

Cishi ca muya loombe lwa Mediteleniyani cakalinga cekalwa abene Kileti. Bakanyonyoola bene Afimu, akwikalaamo mbabo mucishi cabo kuya kumalenge kushika akundabala inene ya Gasa.

Joshuwa 11:22

Taaku mwine Anaki nabi womwi wakacaala kaayoya mucishi coonse ca Isilaeli. Mwakacaalabo bakamwikamwi muGasa, Gati alimwi amuAshidodi.

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Joshuwa 15:11

Kuswa kooko nyinsa yakaya kunkunamo ya Ekiloni, kupetukila kuShikeloni akulanga kuKalundu ka Baala alimwi akucinka kuJabunilu. Anu nyinsa yakaya mukweela kuLweenge lwa Mediteleniyani.

Boomboloshi 14:19

Mpomunyaawo Mushimu wa Mwaami Lesa wakesa pali nguwe akumupa nkusu. Lyalo wakaya kuAshikeloni uko nkwaakacaya bantu makumi otatwe. Wakabanyaya shakufwala shabo shibotu akushipa baabo bakasansulula kashimpi. Kuswawaawo wakaboolela kumishaabo kaakalalite abuumbi.

Boomboloshi 16:21

Mpomunyaawo bene Filisiti bakamucata akumutuloola meenso. Bakamutola kuGasa uko nkobakamwaanga ancetani ya bulonse akumupa ncito yakupela shili anga ngamaila muntolongo.

Boomboloshi 3:3

Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.

1 Samwelo 6:17

Bene Filisiti bakatumya shuute sha golodi shili shosanwe ayi comwi acomwi ciimikanine ndabala inene ya Ashidodi, Gasa, Ashikeloni, Gati aya Ekiloni.