Bene Loma 8:8 - Baibo Busansulushi Bwa Libuku Ili

⁸ Nkokwaamba ayi abo bacitabo shiyanda mibili yabo, inga tabakoonshi kusangalasha Lesa.

Bene Loma 8:8 Marejeleo ya Msalaba

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Joni 8:29

Uyo wakantuma uli anebo, taakwe kunshiya neenka mukwiinga lyoonse ndacita shimukondelesha.”

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Bene Loma 7:5

Ceebo nditwakalinga kwikala mubuumi bwa buntu, kuyandishisha kubisha uko kwakayuminishikwa aMilawo, kwakalinga kweendelesha buumi bwesu. Aboobo kwakatuletela lufu.

Bene Loma 8:9

Ono na ncakwiila Mushimu wakwe Lesa uli muli ndimwe, tamukaali kweelana abuyanda mibili yanu, sombi buyanda Mushimu. Ceebo na Mushimu wakwe Klistu tookali muli ndimwe nkokwaamba ayi tamwishi bakwe Klistu.

1 Bene Kolinto 7:32

Ndisuni kwaamba ayi mwaanguluke mushintu shoonse shilenga kulisukama. Muntu uteebete ulalisukamabo shintu sha Mwaami, nkokwaamba ayi mbweenga wamukondelesha.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 3:20

Nobaana amwebo, mulyeelete kunyumfwila bashali banu mushintu shoonse mukwiinga ici ncecikondelesha Lesa.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

Bene Ebulu 13:21

Lesa uyo amupe shibotu shoonse shiyandika kwaamba ayi mucite kuyanda kwakwe alimwi ayi kwiinda muli Jesu Klistu, acite shimukondelesha muli ndiswe. Kuli Klistu akube bulemu lyoonse alyoonse! Ameni.

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.