Bene Loma 8:5 - Baibo Busansulushi Bwa Libuku Ili

⁵ Ceebo abo bekala mubuntu baleendeleshekwa asheesho shiyanda mibili yabo. Sombi abo beendeleshekwa aMushimu Usalashi balacita sheesho shisuni Mushimu Usalashi.

Bene Loma 8:5 Marejeleo ya Msalaba

Maako 8:33

Sombi lakwe Jesu wakapiluluka akulanga kwakalinga bashikwiiya bakwe bamwi. Lyalo wakakalalila Pita akwaamba ayi, “Koya kulaale webo Satana ceebo miyeeyo yako taiswi kuli Lesa, sombi njabuntu!”

Joni 3:6

Ushalwa kumuntu ngumuntu, sombi uyo ushalwa kuMushimu Usalashi ngumushimu.

Bene Loma 8:9

Ono na ncakwiila Mushimu wakwe Lesa uli muli ndimwe, tamukaali kweelana abuyanda mibili yanu, sombi buyanda Mushimu. Ceebo na Mushimu wakwe Klistu tookali muli ndimwe nkokwaamba ayi tamwishi bakwe Klistu.

1 Bene Kolinto 15:48

Ubo bwakalinga muntu wakaswa kubulongo, abalo bapanshi mbobabete alimwi ubo bubete wooyo wakaswa kwiculu, abalo bakwiculu mbobabete.

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

2 Bene Kolinto 10:3

Ee, tuli bantu, sombi tatulwaani bucita bali mubuntu.

Bene Galatiya 5:17

Mukwiinga buumi bwa buntu ubo bulisuni sheesho shitasuni Mushimu Usalashi, ashalo shisuni Mushimu Usalashi teshi nshesheesho shisuni buumi bwa buntu. Shintu shobilo ishi tasheendelani, nkokwaamba ayi inga tamuciti shibotu isho nshemusuni kwaamba ayi mucite.

Bene Efeso 5:9

Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.

2 Pita 2:10

bunene bunene abo bakonkela lunkumbwa lwa mibili yabo akusuula bulemu ankusu shakwe Lesa. Bafundishi babeshi aba tabaloondi balalisumpula alimwi tabaloondiiwo abalemekwa ba kwiculu, sombi balabacobola.