Bene Loma 7:2 - Baibo Busansulushi Bwa Libuku Ili

² Atwaambe bobulya, mwanakashi weebetwe uleendeleshekwa amulawo wa cikwati kulilabo ibaye kaatana kufwa. Sombi na wafwa, mwanakashi ulaangululwa kumulawo uyo.

Bene Loma 7:2 Marejeleo ya Msalaba

Bene Loma 7:3

Paceebo ceeco na mwanakashi weebetwe wakumana amusankwa umwi ibaye kaacili muumi, nkokwaamba ayi wacita bulale. Sombibo na ibaye wafwa mwanakashi ulaangululwa kumulawo wa cikwati. Aboobo na weebwa kumusankwa umwi teshi kucita bulale.

Bene Loma 7:6

Ono Lesa wakatwaangulula kuswa kuMilawo mukwiinga twakafwa kuli njiyo yakalinga kutwaangite. Aboobo mubwikaalo bukulukulu bwakukonkelabo Milawo ilembetwe twakaswaamo, bulya Mushimu Usalashi ngootucafwa kusebensela Lesa munshila ipya.

1 Bene Kolinto 7:39

Mwanakashi uleendeleshekwa amulawo wa ibaye kulilabo kaali muumi ibaye uyo. Nakubi boobo ibaye na wafwa mwanakashi inga weebwa kumusankwa uli woonse ngweenga kaasuni. Ono musankwa uyo ulyeelete kuba mushomi.

1 Bene Kolinto 7:4

Mubili wa mwanakashi teshi waakwe eenka, sombi ngwa ibaye alakwe. Mbweeke ubo alakwe musankwa teshi ngomwine mubili eenka, sombi amukaakwe.