Bene Loma 3:11 - Baibo Busansulushi Bwa Libuku Ili

¹¹ Taaku muntu unyumfwisha shiluleme, nabi uyandoola Lesa.

Bene Loma 3:11 Marejeleo ya Msalaba

Kulumbaisha 53:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Kulumbaisha 53:4

Ono Lesa uleepusha ayi, “Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuli ndime neLesa.”

Kulumbaisha 94:8

Amunyumfwe mwebo nomutacite maano nomuli pakati ka bantu bangu. Mwebo nobaluya, anu mulaakuba lili basongo?

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Isaya 27:11

Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Isaya 65:1

Mwaami Lesa waamba ayi, “Ndakaliyubulula kubantu abo batakalinga kumpaila. Ndakalibika patuba kubaabo batakalinga kunyandoola. Ncakwiila kumushobo watakalinga kunambila, ndakaamba ayi, ‘Mpoondi, ndaakumucafwa.’

Isaya 9:13

Bene Isilaeli tabakwe kusanduka kuswa kushibiibi shabo. Nakubi kwaamba ayi Mwaami Lesa Shinkusu shoonse wakabatondesha bukali bwakwe, tabakwe kupilukila kuli nguwe.

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Osiya 7:10

Kulisumpula kwabo kulabashinina, ono nakubi boobo balo tabasandukili kuli ndime neMwaami Lesa, Lesa wabo, nabibo kunyandoola.

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Bene Loma 1:22

Balo bakalinga kwaamba ayi, “Tuli basongo,” anu mbaluyabo.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Bene Loma 3:10

Bweenka bwaamba Malembo akwe Lesa ayi, “Taaku nabi womwi ululeme.

Bene Loma 3:12

Bantu boonse basuula Lesa, alimwi boonse babisha, taaku nabi womwi ucita shibotu.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.