Bene Loma 12:1 - Baibo Busansulushi Bwa Libuku Ili

¹ Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Loma 12:1 Marejeleo ya Msalaba

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

Bene Loma 6:19

Amuleke nsebenseshe cikoshanyo ca shintu shicitika lyoonse kwaamba ayi munyumfwishe. Pakutaanguna mwakalinga mwalibenga nobeene amyoyo yanu yoonse kwaamba ayi mube basha ba shintu shitasalalite alimwi ashibiibi shimwi shoonse. Mbweeke ubo mulyeelete kulibenga amyoyo yoonse kuba basha ba bululami, nkokwaamba ayi kucita shintu shisalalite.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Kulumbaisha 19:14

Maswi aswa mumulomo wangu, amiyeeyo ya mumoyo wangu, shoonse shibe sheesho shimusangalasha noBaami baLesa, nomwaandami wangu alimwi noBeshikumpulusha.

Bene Loma 6:16

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.

2 Bene Kolinto 4:16

Nceceeco ncetutabooleli pesule. Nakubi kwaamba ayi mibili yesu itooya cicembela, sombi Mwaami utooya citufushishako nkusu muMushimu bushiku abushiku.

Kulumbaisha 116:12

Anu Mwaami Lesa nebo inga ndamupanshi pashintu shibotu shoonse ishi nshancitila?

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Bene Efeso 5:10

Anu amwiiye kucita shintu shikondelesha Mwaami.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

1 Pita 2:20

Ino muli mpindunshi na mwapenshekwa akuumwa uko kumweelete mukwiinga mwacita cilubo? Sombi na mwapenshekwa nakubi kwaamba ayi mwacita kabotu, Lesa ulaakumupa coolwe.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Loma 15:30

Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

1 Timoti 2:3

Ici ncibotu alimwi cilakondelesha Lesa Mupulushi wesu,

1 Bene Tesalonika 5:12

Twamusenga nobamakwesu kwaamba ayi mupe bulemu kubaabo batoosebensa cankusu pakati kanu, abo bamutanjilila akumulwiita mbomweelete kucita mubuKlistu.

Luka 7:47

Aboobo ntookulwiita ayi shibiibi shakwe nashifuuli shalekelelwa mukwiinga watondesha lusuno lunene. Nkokwaamba ayi uyo woonse walekelelwa paniini ulatondesha lusuno luniini.”

Bene Ebulu 13:22

Nobamakwesu, ndamusenga kwaamba ayi mutambule camoyonteeka maswi aya akumuyumyayumya, nceceeco ncendamulembelabo mukufwiimpyafwiimpya.

1 Timoti 5:4

Ono na mukalubinje mwanakashi kaacite baana nabi bashikulu, baana abashikulu abo bataangune kucita sheesho Lesa nshaasuni kumishaabo. Mukucita boobo balabooshesha bashali babo abankambiyabo nshebakabacitila ceebo ico ncecikondelesha Lesa.

1 Bene Tesalonika 4:10

Alimwi ncakwiila mulisunene abuumbi abashominyinaanu boonse bene Makedoniya. Ono twamusenga nobamakwesu kwaamba ayi mwiindilisheewo apo.

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

2 Bene Kolinto 4:1

Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Filimoni 1:9

Sombi ceebo ca lusuno ndakusenga, nakubi kwaamba ayi ndime Paulo mutumwi wakwe Klistu Jesu alimwi pacecino ciindi nendi muntolongo ceebo ca nguwe.

Filimoni 1:10

Ono ntookusenga ceebo cakwe Onesimasi, uyo wakaba mwanaangu muli Klistu kaandi muntolongo.