Bene Loma 11:4 - Baibo Busansulushi Bwa Libuku Ili

⁴ Sombi Lesa wakakumbula ayi, “Ndilamite basankwa bali shuulu shosanwe ashobilo abo batana kulambilawo Baali, lesa wakubumba.”

Bene Loma 11:4 Marejeleo ya Msalaba

1 Baami 16:31

Taakwe kubishabo mbuli mbwaakabisha Jeloboamu mwanaakwe Nebati, sombi lakwe wakaya amukweeba walutundu wiitwa ayi Jesebelo, mwaana mwanakashi wakwe Etibaala mwaami wa bene Sidoni. Lyalo wakatalika kusebensela Baali akumulambila.

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

1 Baami 19:18

Nakubi boobo ndaakushiyaawo bantu bali 7,000 boomi muIsilaeli, abo boonse bashomeka kuli ndime alimwi batana kufukaminaawo Baali nabi kufyontaawo cibumbwabumbwa cakwe.”

Isaya 4:3

Bantu boonse beshi bakacaale muSiyoni, ee, muJelusalemu, balaakunokwiitwa ayi balisalalite.

Jelemiya 19:5

Bakayaka ashipaililo shakwe Baali shakutentelawo bana babo basankwa ayi njimilambu kuli nguwe. Cintu ico nceentakwe kubaambila nabi kuciyeeyaawo.

Osiya 13:1

Kalekale na bene Efuleemu baamba, bamumikowa imwi ya bene Isilaeli bakalinga kuloonda. Ncakwiila bene Efuleemu bakalinga kulemekwa pakati ka bene Isilaeli, sombi bakabisha kwiinda mukulambila Baali. Aboobo balaakumana kufwa.

Osiya 2:8

“Tabakwe kwishiba kwaamba ayi ndime ndakabapa shili anga ngamaila, waini amafuta a olifi. Ncakwiila ndime ndakabapa silifa agolodi isho nshaakalinga kusebensesha kulambila Baali.

Sefaniya 1:4

“Ndaakufungulula lyaansa lyangu mukupa mulandu bene Jelusalemu ee, mukupa mulandu bene Juda boonse. Ndaakunyonyoola boonse beshibakacaaleewo balambila Baali mumusena uyo. Ncakwiila ndaakunyonyoola abapailishi bakwe Baali boonse cakwaamba ayi kukabule ubeebaluka tubili.

Shakubelenga 25:3

Munshila iyi bakatalika kulambila lesa wa kuPeyo wiitwa ayi Baali. Paceebo ceeci Mwaami Lesa wakabakalalila

Dutolonomi 4:3

Mwebo nobeene mwakabona cakacita Mwaami Lesa paKalundu ka Peyo. Wakanyonyoola woonse wakalambila lesa wa kuPeyo wiitwa ayi Baali.

Boomboloshi 2:13

Nkokwaamba ayi bakacileka kulambila Mwaami Lesa akutalika kusebensela baBaali abaAshitaloti.