Bene Loma 10:1 - Baibo Busansulushi Bwa Libuku Ili

¹ Nobamakwesu cintu nceensunishi amoyo wangu woonse alimwi nceensenga Lesa, ncakwaamba ayi baJuda abo bamumushobo wangu, bakapulushikwe.

Bene Loma 10:1 Marejeleo ya Msalaba

Kulonga 32:10

Ono uteeleshi kunkasha. Ndakalala abuumbi ceebo ca bantu abo, aboobo ntoobanyonyoola. Kuswawaawo ndaakulengesha webo alimwi abamulunyungu lwako kuba mushobo unene abuumbi.”

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Jelemiya 18:20

Sa cintu cibotu inga calambulwa ashibiibi? Nakubi boobo balo bankabila cilindi ayi ngwiteemo. Amuyeeye kwaamba ayi ndakeemikana kunembo lyanu akubaambililako ayi mukushe bukali bwanu pali mbabo.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Joni 5:34

Teshi kwaamba ayi ndisuni bukamboni kuswa kubantu, sombi ntokwaamba shintu ishi ayi mupulushikwe.

Bene Loma 10:2

Nebo inga ndaba kamboni pacikani cakwaamba ayi balisuni abuumbi kusebensela Lesa, sombi kusebensa kwabo takuswi mulushibo lwancinencine.

Bene Loma 9:33

Bweenka bwaamba Malembo akwe Lesa ayi, “Amunyumfwishishe, ndabiika libwe muSiyoni ndibalisuntulaako bantu. Ncakwiila ndabiika mwaandami ngweshi bakanoolisuntulaako. Sombi uyo woonse ushoma muli nguwe teshi akanyumfwe nsoni.”

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Samwelo 15:11

“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.

1 Samwelo 15:35

Ono mubuumi bwakwe boonse Samwelo taakwe kubonaawo Saulo alimwi. Nakubi boobo wakoongumana ceebo cakwe Saulo. Alakwe Mwaami Lesa wakafwa nsoni kwaamba ayi wakalengesha Saulo kuba mwaami.