Bene Loma 1:16 - Baibo Busansulushi Bwa Libuku Ili

¹⁶ Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

Bene Loma 1:16 Marejeleo ya Msalaba

Kulumbaisha 110:2

Mwaami Lesa ulaakukomenesha bwaami bwako bwa nkusu kuswa kuSiyoni. Ndushinisho ulaakulela pakati pabalwani bako.

Kulumbaisha 119:46

Ndaakwaamba kwiisha kwanu pameenso a bamaami. Teshi nkalenshekwewo nsoni.

Isaya 53:1

Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Jelemiya 23:29

Maswi angu ali anga ngumulilo nabi ninsando yakupwaishako mabwe. Nebo neMwaami Lesa ndaamba.”

Maako 8:38

Paceebo ceeco uyo woonse unyumfwa nsoni ceebo ca ndime alimwi amaswi angu paciindi cino, mucishi ciswite bantu bamucita shibi, alakwe MwanaaMuntu ulaakumunyumfwila nsoni pakwisa abaanjelo basalalite, mubulemu bwa baIshi.”

Luka 9:26

Paceebo ceeco uyo woonse unyumfwa nsoni ceebo ca ndime amaswi angu, alakwe MwanaaMuntu ulaakumunyumfwila nsoni pakwisa mubulemu bwakwe amubulemu bwa baIshi alimwi abwa baanjelo basalalite.

Joni 7:35

Mpeeke baJuda bakatalika kulyaamboosha beene ayi, “Ino nkuli nkwaatooyanda kuya uyu muntu uko nkweshi tukabule kumucana? Sa utooyanda kuya kubamakwabesu abo bakapalanganina kubaGiliki akwiisha baGiliki?

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”

Bene Loma 10:17

Paceebo ceeco muntu ulashoma ceebo cakunyumfwa Makani Abotu alimwi aalo Makani Abotu alanyumfwika kwiinda mukushimikila shapali Klistu.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Bene Loma 15:29

Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.

Bene Loma 2:9

Mapensho alimwi amakatasho alaakuba pabantu abo bacita shibiibi, kutaanguna baJuda, pesule baswamashi bakunsengwe.

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

1 Bene Kolinto 15:2

Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

1 Bene Kolinto 2:2

Ceebo ndindakalinga amwebo, ndakayeeya kutamulwiita cimwi cintu, sombibo Jesu Klistu, bunene bunene lufu lwakwe lwa pamucilingano.

1 Bene Kolinto 2:4

Ndindakalinga kwaamba nabi kushimikila nshikwe kusebensesha maswi a busongo bwa buntu, sombi ndakatondesha nkusu sha Mushimu Usalashi.

1 Bene Kolinto 9:12

Na bamwi balicite nkusu shakulangila lucafwo ulu kuswa kuli ndimwe, sa te swebo tulicite nkusu shakulangila lucafwo kwiinda mbabo? Nakubi boobo tatukwe kusebensesha nkusu ishi, sombi twakasuula kwaamba ayi tutashinkili bantu kutambula Makani Abotu aamba shakwe Klistu.

1 Bene Kolinto 9:18

Ino ono cilambu cangu nciinshi? Ncakwiila nkushimikila Makani Abotu cakutatambula malipilo alimwi asheelete kutambula muntu ushimikila Makani Abotu.

2 Bene Kolinto 2:12

Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

2 Bene Kolinto 9:13

Mulimo uyu ulaakutondesha ayi mulashomeka alimwi baanji balaakulumbaisha Lesa ceebo ca mbuli mbomushimikila akunyumfwila bwaamba Makani Abotu apali Klistu. Peculu lya waawo balaakulumbaisha Lesa ceebo mulabaana ambabo akubaana abantu bamwi boonse nshemucite cakusangalala.

Bene Galatiya 1:7

Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

1 Timoti 1:11

Kwiisha uko kulacanika muMakani Abotu ayo akabikwa mumaansaangu kuswa kuli Lesa ulemekwa shicoolwe.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

2 Timoti 1:16

Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo,

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

1 Pita 4:16

Sombi na mwapenshekwa ceebo cakuba bene Klistu, mutanyumfwi nsoni, sombi mulumbe Lesa ceebo ca liina ilyo.