Bene Loma 1:13 - Baibo Busansulushi Bwa Libuku Ili

¹³ Nobamakwesu, ndisuni kwaamba ayi mwishibe ayi aba mankanda aanji kaanjeya kwisa mukumubona, sombi cakaala. Ndisuni kwaamba ayi bantu bakashome muli Jesu mbuli mbondakacita pabaswamashi bakunsengwe bamwi.

Bene Loma 1:13 Marejeleo ya Msalaba

Isaya 27:6

Muciindi citoosa bamulunyungu lwakwe Jakobo balaakushimpa anga ncisamu catola miyanda panshi. Ee, bene Isilaeli balaakushalana anga ncisamu casapuka maluba akucata shisepo. Aboobo balaakwisusha cishi coonse ca panshi ashisepo shabo.

Joni 12:24

Ntoomulwiita calushinisho ayi luseke lwa maila, na lwabula kulokela mubulongo akufwa, inga kalulibo lomwi lyoonse, sombi na lwalokela mubulongo akufwa, lyalo inga lwashala ashimwi shiinji.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Joni 4:36

Shikutebula utoofola alimwi utooshiyobolweta kubuumi butamaani. Aboobo shikushanga ashikutebula balaakusangalalila pantu pomwi.

Milimo ya Batumwi 1:15

Ndipakeenda nshiku shiniini, kwakaba libungano lya baabo boonse bakalinga kushoma muli Jesu abo bakalinga kushika mpashi mwaanda amakumi obilo. Lyalo Pita wakanyamuka,

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Milimo ya Batumwi 15:12

Mpeeke likoto lya bantu lyakoomunabo tontolo, kalikutika Banabasi aPaulo ndibakalinga kusansulula shaankamiko ashitondesho sha nkusu sha kwiculu, Lesa nshaakacita pakati ka baswamashi bakunsengwe kwiinda muli mbabo.

Milimo ya Batumwi 19:21

Ndishakamana kucitika shoonse ishi, Paulo wakayeeya kuya kuJelusalemu, kwiinda kuMakedoniya akuAkeya. Wakaamba ayi, “Na nkaswe kuJelusalemu, ndyeelete kuya akuLoma.”

Milimo ya Batumwi 21:19

Mpomunyaawo, Paulo wakabaansha akubalwiita kabotu kabotu shintu shoonse Lesa nshaakacita pakati ka baswamashi bakunsengwe, kwiinda mumulimo wakwe.

Milimo ya Batumwi 28:14

Nkomunya uko twakacanako bashomi bamwi abo bakatusenga ayi twikalaabo nsondo yomwi. Ubo mbotwakeenda kuya mukushika kuLoma.

Bene Loma 1:12

Cinene ncakwaamba ayi nebo amwebo tukayuminishanye mulushomo ndotucite. Nkokwaamba ayi mulaakuyuma kwiinda mulushomo lwangu anebo kwiinda mulushomo lwanu.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Loma 7:1

Nobamakwesu, ntokwaamba kuli baabo beshi shaMilawo. Mulishi kabotu kwaamba ayi Milawo ileendeleshabo muntu kaacili muumi.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

1 Bene Kolinto 10:1

Nobamakwesu ndisuni kwaamba ayi mwiibaluke shakacitikila bamashali besu bakulukulu. Boonse bakafunwa alikumbi alimwi boonse bakasubuka Lweenge Lusalala.

1 Bene Kolinto 12:1

Ono nobamakwesu, pacikani ca shipo sha Mushimu Usalashi, ntooyanda ayi mwishishibishe.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 14:26

Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

1 Bene Kolinto 9:2

Nakubi kwaamba ayi bamwi tabanjeeyeli kuba mutumwi, sombi kuli ndimwe ncakwiila ndi mutumwi mukwiinga wa cibusa canu aMwaami Jesu mwebo nobeene mulatondesha ayi ndi mutumwi.

2 Bene Kolinto 1:8

Nobamakwesu tulisuni kwaamba ayi mwishibe mapensho ngotwakabona mucishi ca Esha. Mapensho akalinga afula cakwiinda paayo ngotukonsha kukoma palweesu. Aboobo tetwakalinga kushoma kwaamba ayi inga katucili boomi.

2 Bene Kolinto 2:14

Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

Bene Galatiya 3:15

Nobamakwesu, ntooyanda kumulwiitako cikoshanyo ca cintu ncetucita nshiku shoonse. Na bantu bobilo bapangana akusuminishanya pacikani cimwi, taaku muntu weenga wapwaya cipangano ico nabi kunungaako.

Bene Galatiya 6:18

Luse lwa Mwaami wesu Jesu Klistu lube amwebo nobamakwesu noonse. Ameni.

Bene Filipi 1:22

Na kubukila buumi kulampa ciindi cakusebensa ncito itondesha shisepo, anu nceenga ndasalaawo nshicishi.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

1 Bene Tesalonika 2:18

Twakalinga kusuni kubolela kuli ndimwe, sombi nebo nePaulo ndeelesha mankanda aanji kwisa kooko, nakubi boobo Satana walinga kutwiinda kunembo.

1 Bene Tesalonika 4:13

Ono nobamakwesu, tulisuni ayi mwishibe lushinisho pabaabo bakafwa, kwaamba ayi mutanookuungumana mbuli bantu batacite ncebatoolangila.

2 Bene Tesalonika 2:7

Bulya bantu batoocita kale bubi alimwi inga twabushibabo ceebo ca sheesho nshaakayubulula Lesa. Sombi uyo utoolengesha ayi butacitiki patuba utootolelela kucita boobo kushikila Lesa akamukusheewo.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.