Bene Lefi 27:28 - Baibo Busansulushi Bwa Libuku Ili

²⁸ “Sombi taaku muntu nabi womwi weelete kuulisha nabi kucuula alimwi ncaabengabo mwiine kuli ndime neMwaami Lesa, nacibi kwaamba ayi wabenga muntu, munyama nabi muunda. Cintu ico cilabetabo limwi ca Mwaami Lesa.

Bene Lefi 27:28 Marejeleo ya Msalaba

2 Makani 31:14

Kole mwanaakwe Imuna mwine Lefi, shikulindilila Mwinjililo wa Kwicwe ngowakalinga kutambula shipo shakulyaaba isho shakalinga kupekwa kuli Lesa akubaanya shipo shoonse shakabengwa kuMwaami Lesa.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Esekelo 44:29

Balo balaakunoolya shipo sha fulaulo, milambu yakulekelelwa shibiibi alimwi amilambu yakumana milandu. Nkokwaamba ayi shintu shoonse shapekwa kuli ndime neMwaami Lesa mucishi ca Isilaeli shilaakuba shabo.

Esekelo 48:14

Mucipansha ico taaku musena weelete kuulishikwa, kushintwa nabi kupekwa kumuntu umwi. Cipansha ico ncibotu kwiinda shimwi shoonse, cilisalalite alimwi ncaangu neMwaami Lesa.

Bene Lefi 21:22

Musankwa wa mushobo wooyu inga walya cakulya ncendapekwa, nkokwaamba ayi inga walya mulambu usalalite wa cakulya alimwi amulambu usalalite abuumbi wa cakulya.

Bene Lefi 27:21

PaMwaaka wa Lwaanguluko wakuboolaawo, muunda uyo ulaakubetabo limwi wa Mwaami Lesa. Ulaakupekwa kubapailishi.

Bene Lefi 27:27

Sombi na ngwakwiiya wa munyama utasalalite kweelana aMilawo, inga woolwa alimwi kweelana amweelo weelete kwiilikaawo acomwi ca shosanwe ca nguwo. Na wabula kuulwa alimwi, inga woolishikwa kumuntu umwi kweelana amweelo weenka wapingulwa.

Bene Lefi 27:29

Nabi ngumuntu wabengwabo kuMwaami Lesa teelete kuulwa alimwi, sombi ulyeelete kucaikwa.

Shakubelenga 18:14

“Anu shoonse shintu mucishi ca Isilaeli isho shabengwa kuli ndime neMwaami Lesa, nshinenu.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Dutolonomi 25:19

Paceebo ceeci, na Mwaami Lesa, Lesa wanu akamushiishe mucishi ico ncaatoomupa akumupulusha kubalwani banu abo bamushingulukite, mukacaaye bene Amaleki boonse kwaamba ayi kutakabi nabi womwi eshi akabeebaluke tubili. Kutalubaako kucita boobo!

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Joshuwa 6:26

Paciindi ico Joshuwa wakabakonkomesha akubacenjesha ayi, “Uyo woonse eshi akeeleshe kuyaka ndabala inene ya Jeliko alimwi, Mwaami Lesa ulaakumushingana. Uyo woonse eshi akakabe lwiimbi, ulaakufwitwa mwaana wakwiiya musankwa. Uyo woonse eshi akayake minjililo, ulaakufwitwa shikeela musankwa.”

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 7:25

Joshuwa wakaamba ayi, “Nciinshi ncewaletela mapensho aya pali ndiswe? Mwaami Lesa bulya utooleta mapensho pali ndiwe!” Mpomunyaawo bene Isilaeli boonse bakacaya Akani kumabwe. Lyalo ndibakamana kucaya bamuŋanda yakwe boonse kumabwe, bakabatentela pantu pomwi ashintu shakwe shoonse.

Boomboloshi 21:11

Muye mucaye basankwa boonse alimwi abanakashi bakakumanaawo kale abasankwa.”

Boomboloshi 21:18

Tatukoonshi kweebesha bana besu kuli mbabo ceebo twakashomesha cakulumbila ayi, ‘Aakashinganwe uyo woonse weshi akeebeshe mwanaakwe kumwine Benjameni.’ ”

Boomboloshi 21:5

Kuswawaawo bene Isilaeli bakeepushanya ayi, “Sa kuli likoto pakati ka mikowa ya bene Isilaeli litakwe kubungana kunembo lya Mwaami Lesa kuMisipa?” KuMisipa uko bakashomesha cakulumbila ayi muntu uli woonse utakwe kwisa kulibungano ilyo, ulyeelete kucaikwa.

1 Samwelo 15:18

Wakakupa milasho akukutuma ayi, ‘Koya ukanyonyoole bene Amaleki bantu balya beshikubisha cakutabashiyaako. Ukabalwaane kushikila boonse ukabamane kubacaya.’

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”