Bene Lefi 26:32 - Baibo Busansulushi Bwa Libuku Ili

³² Acalo cishi canu ndaakucinyonywetabo limwi cakwaamba ayi balwani banu bekalaamo balaakukankamana.

Bene Lefi 26:32 Marejeleo ya Msalaba

1 Baami 9:8

Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Isaya 5:9

Mwaami Lesa Shinkusu shoonse ndamunyumfwa kaalumbila ayi, “Ndashinisha maanda anene oonse aya alaakuba mumatongo. Ncakwiila naakomeni, naaboti alaakucaalabo kwakubula aukalaamo.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Isaya 64:10

Mandabalaanu anene ali anga nduyanga, ncakwiila ndabala ya Siyoni yaba luyanga. Ndabala ya Jelusalemu ilibo mumatongo.

Jelemiya 12:11

Ncakwiila ulaakuba luundu lutacite ncito, luundu luyumu nta anga ncikula kunembo lyangu. Cishi coonse cilaakuba luyanga ceebo taaku wakucibikila maano.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 19:8

Lyalo ndabala iyi ndakwiinyonweetabo limwi akwiilensha nsoni. Lyalo boonse abo beshi bakanokwiinda pafwaafwi balaakunookankamana akucobola ceebo ca mapensho oonse a njiyo.

Jelemiya 25:11

Cishi cino coonse cilaakuba matongo. Lyalo mishobo iyi ilaakunoosebensela mwaami wa bene Babiloni kwamyaaka makumi osanwe amakumi obilo.

Jelemiya 25:18

Nkokwaamba ayi bantu ba muJelusalemu aba mumandabala a muJuda, bamaami ba mumo abacinenenene babo kwaamba ayi banyonyooke akuba cintu ceelete kuloondwa, kushibulukwa alimwi akushinganwa bweenka mbuli mbobabete sunu.

Jelemiya 25:38

Mwaami Lesa ulaakushiyabo bantu bakwe bweenka nkalamu mboishiya cimfwengo ca njiyo. Cishi cabo cilaakuba matongo ceebo cakulwanikwa abaabo beshi kubalyatilila alimwi abukali buyoosha bwa Mwaami Lesa.

Jelemiya 33:10

Mwaami Lesa waamba ayi, “Bantu batokwaamba ayi ndabala ino ilibo anga nduyanga. Taamu bantu bekalaamo nabi banyama. Ee, ndushinisho ndobatokwaamba. Mumandabala a muJuda amumikwakwa ya muJelusalemu taamu aciliimo. Taaku muntu nabi banyama bekalaamo. Sombi mumisena iyi mulaakunyumfwa

Jelemiya 44:2

Mwaami Lesa Shinkusu shoonse, Lesa wa bene Isilaeli waamba ayi, “Mwakalibonena mapensho oonse ayo ngondakaletela ndabala ya Jelusalemu apamandabala oonse a muJuda. Asunu acili matongo. Taaku muntu wikalaamo

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 4:12

Bamaami ba pacishi ca panshi tabakwe kushoma, kubikaawo abantubo bamwi kwaamba ayi balwani babo inga benjila paminjililo ya ndabala ya Jelusalemu.

Malilo 5:18

ceebo Kalundu ka Siyoni kacaalabo mumatongo, ncakwiila bamwaaba batokwiindaanabo mumatongo a nkako.

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Danyelo 9:2

Mumwaaka wakutaanguna wa bwaami bwakwe, nebo neDanyelo ndakalinga kubelenga Malembo akwe Lesa akuyeeya shamyaaka ili 70 iyo ndabala ya Jelusalemu njeshi ikanooli matongo, kweelana aMwaami Lesa mbwaakalwiita Jelemiya mulaluki.

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho

Luka 21:20

“Mwaakubona ayi ndabala inene ya Jelusalemu yashingulukwa abashilumamba, mukeshibe ayi kunyonyoolwa kwa njiyo kuli pafwaafwi.

Dutolonomi 28:37

Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.