Bene Lefi 23:32 - Baibo Busansulushi Bwa Libuku Ili

³² Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”

Bene Lefi 23:32 Marejeleo ya Msalaba

Neyemiya 13:19

Mpeeke ndakapa mulawo wakwaamba ayi minjililo ya ndabala inene ya Jelusalemu ilyeelete kunoocalwa lyoonse pakwipila lisuba, bushiku bwa Cibelu ndibutalika, akutacalula kushikila bushiku ubo bwamana. Ndakabika basebenshi bangu bamwi kulindilila minjililo kwaamba ayi kubule ciletwa mundabala pabushiku bwa Cibelu.

Kulumbaisha 35:13

Sombi ciindi ndibakaciswa ndakafwala masaka. Ndakalikasha kulya, akupaila mutwi wangu kookontyamikitwe,

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Bene Lefi 16:29

“Ono milawo njemweelete kunoolama lyoonsebo njeeyi. Pabushiku bwalikumi mumweenshi wasanu ayobilo, bene Isilaeli alimwi abaswamashi bashiite pakati lyabo balyeelete kulikasha kulya, alimwi tabeelete kusebensa mulimo uli woonse.

Bene Lefi 16:31

Anu bushiku ubo bulyeelete kuba busalalite abuumbi ubo mbobeelete kulikasha kulya, alimwi akutasebensa mulimo nauceyi. Milawo iyi ilyeelete kunookonkelwa lyoonsebo.

Bene Lefi 23:27

“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa.

Bene Lefi 23:31

Mulawo uyu ngwa bamulunyungu lwanu lyoonsebo, koonse uko nkweenga kabashiite.

Bene Lefi 23:33

Mpeeke Mwaami Lesa wakaambila Mose ayi,

Mateyo 5:4

“Balicite coolwe abo balila, mukwiinga Lesa ulaakubasangalasha.

1 Bene Kolinto 11:31

Netwalinga kuliyeeya katutana kulya, naakwiinga bukali bwakwe Lesa tabwisi pali ndiswe.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Bene Ebulu 4:3

Nkokwaamba ayi swebo sotushoma muli Lesa ono twenjila mukookesha uko. Kweelana abwakaamba Lesa ayi, “Ndakakalala akushomesha cakulumbila ayi, ‘Teshi bakenjileewo mucishi umo mondalinga kweelete kubapa kookesha!’ ” Lesa wakaamba boobo nakubi kwaamba ayi wakamanisha milimo yakwe yoonse ndyaakalenga cishi coonse.