Bene Lefi 23:29 - Baibo Busansulushi Bwa Libuku Ili

²⁹ Uyo woonse weenga walya cintu nabi comwi pabushiku ubo, teelete kunoociyeeyelwa kuba mulikoto lya bantu bangu.

Bene Lefi 23:29 Marejeleo ya Msalaba

Matalikilo 17:14

Musankwa uli woonse utana kupalulwa teshi anoociyeeyelwa kuba mulikoto lya bantu bangu, ceebo taakwe kulama cipangano cangu.”

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Kulonga 30:33

Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Esekelo 7:16

Boonse abo beshi bakapuluke akuloboka balaakuya kutulundu uko nkweshi bakanoolila buumba anga nimpolobe bamushinyika. Muntu womwi awomwi ulaakunoolila ceebo ca shibiibi shakwe.

Bene Lefi 13:46

Kulilabo na akanoocicite bulwashi ubo, teshi akanoosalaliteewo, alimwi ulyeelete kwikala pansengwe lya misumba kantalamukila abamwi boonse.

Bene Lefi 23:27

“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa.

Bene Lefi 23:30

Na umwi wasebensa mulimo uli woonse pabushiku ubo, nebo neMwaami Lesa ndaakumucaya.

Bene Lefi 23:32

Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”

Bene Lefi 7:20

sombi na utasalalite kweelana aMilawo weelya, teshi akanoociyeeyelwa kuba mulikoto lya bantu bakwe Lesa.

Bene Lefi 7:21

Alimwi na umwi walya nyama ya mulambu wa bwanabwankashi pakuswa mukukumya cintu cimwi citasalalite kweelana aMilawo, cakumuntu nabi kumunyama, muntu uyo teshi akanoociyeeyelwa kuba mulikoto lya bantu bakwe Lesa.”

Shakubelenga 5:2

“Lwiita bene Isilaeli ayi bakushe mumisumba muntu uli woonse ucite bulwashi bwa manata, utooswa mashina amushobo uli woonse mumubili alimwi awooyo woonse utasalalite kweelana aMilawo ceebo cakukumya mutuntu.

Milimo ya Batumwi 3:23

Uyo woonse eshi akabule kunyumfwila nsheshi akaambe mulaluki uyo, ulaakupansaanishikwa kuswa kubantu bakwe Lesa akunyonyoolwa.’