Bene Lefi 19:15 - Baibo Busansulushi Bwa Libuku Ili

¹⁵ “Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Bene Lefi 19:15 Marejeleo ya Msalaba

Jobo 13:8

Sa mutootondesha kasalulushi kuli nguwe? Sa mutokwiimikaninako Lesa mulandu wakwe?

Jobo 32:21

Taaku ngoontoosalulula pakati kanu nabi kulumbaisha umwi uli woonse cakubeca.

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Kulumbaisha 82:2

“Ino mulaakucileka lili kwiimikanina bataluleme akufuninina bantu babiibi?

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Tushimpi 18:5

Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.

Tushimpi 24:23

Utu ntushimpi atumwi twa basongo, Ncibiibi kuba akasalulushi pakoombolosha.

Tushimpi 31:9

Kobaambililaako akoombolosha cakutanyengelela. Ee, kotabilila bakandu abapengete kwaamba ayi batanoolitwa masuku pamitwi.”

Bene Lefi 19:35

“Tamweelete kubeca muntu nabi womwi kwiinda mukusebensesha shipimo shakubeca mushintu shili shoonse.

Joni 7:24

Amucileeke koombolosha kwiinda mukulanga muntu mbwaabete, mutalike koombolosha kweelana amulandu mboobete.”

Milimo ya Batumwi 23:3

Lyalo Paulo wakamwaambila ayi, “Lesa ulaakukuuma, webo olubumbu lwakashingulwa abulongo butuba! Webo ncooshiitile kooko nkwaamba ayi uŋomboloshe kweelana aMilawo, ono alimwi utoosotoka Milawo kwiinda mukwaambila bantu ayi banguume!”

Dutolonomi 1:17

Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 27:19

“ ‘Aashinganishikwe muntu uli woonse uyo unyengelela baswamashi, bana banshiwa alimwi abamukalubinje banakashi.’ “Mpeeke bantu boonse balaakwaamba ayi, ‘Ameni!’