Bene Lefi 19:13 - Baibo Busansulushi Bwa Libuku Ili

¹³ “Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Bene Lefi 19:13 Marejeleo ya Msalaba

Jobo 17:5

Na muntu waaba mubye ceebo cakuyanda maali, bana bakwe mbweshi bakapengeleemo akufwa nsoni.

Jobo 31:39

na ndalya shakulya isho shimenaamo akuleka mwine muunda kaakolwa nsala,

Jobo 7:2

Shilibo anga nsha musha utoolilila cimfule. Ncakwiila shili anga nsha musebenshi utoolindilila kufola.

Kulonga 20:15

“Uteepi.

Kulonga 22:13

Ono na mbanyama bamuluundu bakacaya cifubwa ico, uyo wakalinga kucilama ulyeelete kuleta sheesho shakacaalaako pakulikwa cifubwa kwaamba ayi shikabe bukamboni. Aboobo teelete kulipila paceeco cakacaikwa kubanyama bamuluundu.

Kulonga 22:15

Sombi na cacitika mwine cifubwa kaaliiwo, uyo wakabweleka teelete kulipila. Na cifubwa ico cakalipililwa pakubwelekwa, nkokwaamba ayi malipilo oonse alafwita musheesho shakalipilwa.

Kulonga 22:21

“Mutabi alunkutwe nabi kupensha muswamashi, mukwiinga amwebo mwakalinga baswamashi mucishi ca Ijipiti.

Kulonga 22:7

“Alimwi na muntu wasumina kulama maali a muntu umwi, nabi shintu shimwi shamakwebo, ono sheepwa muŋanda ya wooyo utoolama, nkokwaamba ayi mwiipi uyo na wacatwa ulyeelete kwiilikaawo ashimwi shili mbuli sheesho nshaaipa.

Tushimpi 20:10

Shipimo shakubeca amabwe akupimisha anyengelela, Mwaami Lesa ulishipatite shoonse.

Tushimpi 22:22

Utanoolyatilila mukandu ceebo ulicite nkusu shakumulyatilila, nabi kupensha upengete munkuta.

Tushimpi 3:28

Kutaambila mubyo ayi, “Koyabo ukese ciilo ndyeshi nkakupe,” na ulakonsha kumucafwa peenka apo.

Jelemiya 22:13

Mapensho kuli wooyo uyaka ŋanda yakwe ya bwaami kwiinda mukutalulama. Mapensho kuli wooyo uyaka shipinda sha peculu kwiinda mukoombolosha cakunyengelela ee, kuli wooyo usebenseshabo bantunyina kwakubula kubafolesha.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Esekelo 18:7

Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Esekelo 22:29

Bantu ba mucishi balacenjeeka babyaabo alimwi akwiipa, balalyatilila bakandu abataaku mbobabete. Balapensha beensu akubanyengelela.

Bene Lefi 25:14

Aboobo na moolisha nabi kuula muunda kumwine Isilaelinyinaanu, kuteelesha kunyengelela.

Bene Lefi 25:17

Tamweelete kunyengelela mwine Isilaelinyinaanu, sombi munyumfwile nebo neLesa wanu. Ndime Mwaami Lesa, Lesa wanu.

Bene Lefi 6:3

nabi kubeca pacimwi cintu cakalinga kusowekete akulumbila ayi taakwe kucibwesa.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Mateyo 20:8

“Ndilyakaba macolesha, mwine muunda wakaambila mubanshi wakwe ayi, ‘Beete boonse basebenshi ubafoleshe. Utalikile kubaabo bacaalila kwisa, ndyeshi uboole kubaabo bataanguna.’

Maako 10:19

Yalo milawo uliishi yaamba ayi, ‘Utacaayi, utaciti bulale, uteepi, utapi bukamboni bwakubeca, utapambi alimwi lemeka baiso abanyoko.’ ”

Luka 3:13

Wakabaambila ayi, “Mutanosonkesha kwiinda pamweelo ngobamupingwita.”

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

1 Timoti 5:18

Ceebo Malembo akwe Lesa alaamba ayi, “Mutafwaliki cinsangala musune utoomulyatweetako maila kwaamba ayi alupuke.” “Musebenshi ulyeelete kupekwa malipilo akwe.”

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.