Bene Lefi 16:20 - Baibo Busansulushi Bwa Libuku Ili

²⁰ “Ono na Aloni wamanisha kucita kweelana aMilawo pakusalasha Musena Usalalite Wiindaawo, Tente yoonse ya Cipangano, alimwi acipaililo, mpongo yuumi yasalwa kuba yakwe Asaselo, shikaswa, ulaakwiileta kunembo lyangu neMwaami Lesa.

Bene Lefi 16:20 Marejeleo ya Msalaba

Esekelo 45:20

Pabushiku bwasanu ashobilo bwa mweenshi mulyeelete kucita bweenka ubo kucitila baabo boonse babisha cakuteshiba nabi mukubula lushibo. Munshila iyo mulaakunoosalasha Ŋanda yangu.

Bene Lefi 16:16

Munshila iyi, ulaakucita kweelana aMilawo pakusalasha Musena Usalalite Wiindaawo kuswa kukutasalala kwa bene Isilaeli alimwi ashibiibi shabo shoonse. Ulyeelete kucita boobo kuTente ya Cipangano, ceebo iliyakitwe pakati lya misumba iyo itasalalite kweelana aMilawo.

Bene Lefi 16:19

Lyalo ulyeelete kusanseela bulowa bumwi amunwe wakwe mankanda osanwe aobilo pacipaililo. Munshila iyi, ulaakucisalasha kuswa kushibiibi sha bene Isilaeli ayi cinoosalalite.

Bene Lefi 16:21

Ulaakubika maansaakwe oonse obilo pamutwi wa njiyo akwaamba bubi boonse, shibiibi, alimwi akwaaloka kwa bene Isilaeli koonse pali njiyo. Pakucita boobo ulaakushituntulwita pamutwi wa mpongo iyo. Lyalo palaakusalwa musankwa weshi akeetole muluyanga.

Bene Lefi 6:30

Sombi na bulowa bwa munyama umwi bwaletwa muTente ya Cipangano akusebenseshekwa mukukusha shibiibi muMusena Usalalite, munyama uyo teelete kulikwa, sombi ulyeelete kutentwa.”

Bene Lefi 8:15

Mose wakacaya mucende uyo, wabwesa bulowa bumwi akusebensesha munwe wakwe pakunanika kumeeca a mumakonko one a cipaililo, kwaamba ayi acibenge kuMwaami Lesa. Bulowa bumwi boonse wakabutila panshi lya cipaililo. Munshila iyi wakacibenga alimwi akucisalasha.

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

Bene Kolose 1:20

Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.