Bene Lefi 14:40 - Baibo Busansulushi Bwa Libuku Ili

⁴⁰ ulaakwaamba ayi mabwe oonse abundite akushikwe kulubumbu akuwaalwa mumusena umwi utasalalite pansengwe lya ndabala.

Bene Lefi 14:40 Marejeleo ya Msalaba

Kulumbaisha 101:5

Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.

Tushimpi 22:10

Tandaanya shikucelebula, lyalo kupikishanya kulaswa. Ncakwiila kwaambana amatushi shilamana.

Bene Lefi 14:39

Ono pabushiku bwasanu ashobilo, ulaakuboola mukwiibona alimwi. Na kubunda kutooyabo kunembo,

Bene Lefi 14:41

Kuswawaawo lubumbu lwa mukati loonse lulyeelete kupalwa akusowa sheesho shapalwaako mumusena utasalalite pansengwe lya ndabala.

Bene Lefi 6:11

Kuswawaawo ulaakufwala shakufwala shimwi akukusha milota iyo pansengwe lya misumba akwiitola kumusena usalalite kweelana amilawo.

Mateyo 18:17

Ono na wakaka kubanyumfwila abalo, ulwiite bantu ba mucoonde. Ono na wakaka kunyumfwila abamucoonde boonse, amumucitebo anga ngumuntu wa kunsengwe nabi musonkeshi.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Taitasi 3:10

Muntu uleta kupansaana palikoto lyanu umucenjeshe mankanda obilo, kuswawaawo umusuule.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Ciyubululo 2:6

Sombi bubotu bwako mbwakwaamba ayi ulipatite micito ya bene Nikolayi, bweenka mboonjipatite anebo.’

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.